Azərbaycan, Bakı, 29 mart /Trend, müxbir E. Əliyev/
"Buta Sığorta" ASC-nin aktivləri 2013-cü ilin yekunları üzrə 31 faiz artaraq ilin əvvəlindəki 9,07 milyon manata nisbətdə 11,88 milyon manat təşkil edib. Trend-in məlumatına görə, bu barədə şirkətin rəsmi mətbuatda dərc olunmuş balans hesabatında deyilir.
Sığorta şirkətinin maliyyə hesabatlılığının auditini müstəqil auditor Namiq Abbaslı aparıb.
2013-cq ilin sonunda şirkətin uzunmüddətli aktivləri 1,56 milyon manat, qısamüddətli aktivləri isə 10,32 milyon manat təşkil edib.
Ötən il pul vəsaitlərində və onların ekvivalentlərində 7,88 milyon manat yığılıb. Bu həcmdən 0,28 milyon manat hesablaşma hesabında, 7,55 milyon manat isə depozit hesablarında yığılıb.
2013-cü ilin yekunları üzrə "Buta Sığorta" ASC-nin ödənilmiş nizamnamə kapitalı 2012-ci ildə olduğu kimi 7,3 milyon manat olub.
Ötən ilin sonunda şirkətin məcmu kapitalı 2012-ci illə müqayisədə 17,71 faiz azalaraq 5,39 milyon manat təşkil edib.
Şirkətin məcmu öhdəlikləri ilin əvvəlindəki 9,07 milyon manata nisbətdə 6,49 milyon manatı ötüb, ümumilikdə kapital və öhdəlikləri isə 11,88 milyon manat təşkil edib.
Ötən ilin yekunları üzrə şirkətin gəlirləri 6,6 milyon manat, xərcləri isə təqribən 7,76 milyon manat olub. Şirkət 2013-cü ili 1,16 min manatlıq zərərlə başa vurub.
