Azərbaycan, Bakı, 5 noyabr /Trend, müxbir E.İsmayılov/
Azərbaycanda ətraf mühitə təsirin qiymətləndirilməsi haqqında qanunun qəbul edilməsi neft-qaz çirklənmələrinin qarşısının alınması tədbirlərini sərtləşdirməyə və ekoloji vəziyyəti yaxşılaşdırmağa imkan verəcək. Trend-in məlumatına görə, bu barədə çərşənbə axşamı jurnalistlərə ARDNŞ-nin (Azərbaycan Respublikası Dövlət Neft Şirkəti) Ekologiya İdarəsinin rəhbəri Azər Əliyev bildirib.
Onun sözlərinə görə, Azərbaycan müvafiq beynəlxalq konvensiyalara qoşulsa da, ölkədə belə qanunun olması müəssisələrin məsuliyyətini artırmağa, sosial və ətraf mühitə təsir haqqında hesabatların hazırlanması prosesinə tələblərin sərtləşdirilməsinə imkan verəcək.
A.Əliyev qeyd edib ki, yeni qanun layihəsi sosial və ətraf mühitə təsirin qiymətləndirilməsi sahəsində beynəlxalq standart və tələblərə cavab verəcək.