Azərbaycan, Bakı, 23 iyun / Trend , müxbir S.Babayeva / Azərbaycan və Qazaxıstan Siyazən-Aktau marşrutu üzrə Trans-Asiya-Avropa fibrooptik kabel magistralının Xəzər seqmentinin çəkilməsi layihəsi çərçivəsində, gələcək hərəkət koordinasiyası haqqında memorandum imzalayacaqlar. Bu barədə bazar ertəsi "KazTransCom" SC-yə istinadən, Qazaxıstanın İnformatizasiya və Rabitə üzrə Agentliyi məlumat verib.
Azərbaycan və Qazaxıstan operatorları - Azərbaycan Rabitə Nazirliyinin Beynəlxalq Rabitə və Hesablamalar Mərkəzi (BRHM) və "KazTransCom" - arasında imzalanmış protokola əsasən, xərclərin yarısını Azərbaycan, yarısını Qazaxıstan ödəyəcək.
"Sənəd magistralın tikintisi və biznes-planın Texniki İqtisadi Əsaslandırmanın hazırlanması üzrə "AXIOM" Konsaltinq Şirkəti ilə əməkdaşlığa dair imzalanacaq", - deyə SC-dən bildirilib.
"KazTransCom"un verdiyi məlumata əsasən, mayın sonunda "KazTransCom" SC, BRHM, "Aztelekom" BM və "AXIOM" nümayəndələrinin iştirakı ilə görüş keçirilib. Görüşün sonunda qarşıda duran dövr üçün iş planı protokolu imzalanıb.
Tərəflər TİƏ layihəsinin hazırlanması üzrə məsləhətçilər ilə müqavilələrin bağlanmasına dair danışıqlar aparıb və məhz bu görüşdə "Gələcək hərəkətlərin koordinasiyası haqqında memorandum"un imzalanmasına dair qərar qəbul olunub.
BRMH-dən bildirilib ki, sənədin imzalanacağı dəqiq tarix hələ müəyyən olunmayıb. "Biz Qazaxıstan tərəfinin qərarını gözləyirik. İşin böyük hissəsi onların payına düşür", - deyə Dövlət İdarəsindən bildirilib.
1999-cu ildə aparılan hesablamalara görə, dənizin dibi ilə rabitə kabelinin tikintisi $10 mln. təşkil edir. Layihənin dəyərinin artacağı istisna olunmur.
Qazaxıstan və Azərbaycan arasında marşrutun uzunluğu təxminən 380 km təşkil edir. Hazırda mövcud olan marşrut Azərbaycan ərazisini dövr edərək, Türkmənistan və İrandan keçir.
Azərbaycan Rabitə nazirliyində hesab edirlər ki, Azərbaycandan "TAE" kabelinin çəkilməsi layihəsinin həyata keçməsi, marşrutu təxminən 2000 km qısaldacaq, bu da informasiya ötürmə trafikini sürətləndirəcək.
Paralel olaraq anoloji predmet üzrə Türkmənistan ilə danışıqlar aparılır, çünki sözügedən ölkə ilə razılıq əldə olunarsa, kabel marşrutunu əhəmiyyətli dərəcədə qısaltmaq olar. Qırğızıstan ilə əlaqə yaradıb, Çin ilə birləşmə layıhəsini həyata keçirmək olar.