Bakı. Rufiz Hafizoğlu - Trend:
Türkiyə "Hızır 4x4" zirehli hərbi avtomobili uğurla sınaqdan keçirib.
Trend-in məlumatına görə, bu barədə yerli mətbuat hərbi mənbəyə istinadən yazır.
Hərbi maşının mina və fuqasların partladılması baxımından da uğurla sınaqdan keçdiyi bildirilir.
"Hızır 4x4" zirehli avtomobilin Türkiyə ərazisində PKK terrorçularına qarşı əməliyyatlarda istifadə edilməsi planlaşdırılır.
Qeyd edək ki, "Hızır 4x4" türk mütəxəssislər tərəfindən hazırlanıb və Türkiyədə istehsal olunub.