Bakı. Trend:
Kiprdə adada müşahidə olunan 40 dərəcə isti fonunda üç meşə yanğını baş verib.
Trend-in məlumatına görə, bu barədə adanın meşə təsərrüfatı departamenti bildirib.
Məlumata əsasən, yanğınlardan biri Larnaka vilayətinin tərk edilmiş Koşi kəndi yaxınlığındakı zibillik sahəsində qeydə alınıb, digər ikisi isə Nikosiya əyalətinin Nikitari və Tsakkistra kəndlərinə bitişik zonalardadır. Qeyd olunub ki, hər üç halda “departamentin yanğınsöndürən briqadalarının reaksiyası dərhal olub” və alovun yayılması qısa zamanda nəzarətə götürülüb.