Bakı. Trend:
ABŞ-ın Milli Aerokosmik Agentliyi (NASA) Aya göndərəcəyi "Artemis 1" missiyasının buraxılışını təxirə salıb.
Trend-in məlumatına görə, bu barədə agentliyin açıqlamasında deyilir.
Qeyd olunur ki, "Orion" kosmik aparatını daşıyan missiya Bakı vaxtilə saat 16:33-də yola düşməli idi.
Təxirə salınmaya mühərrikdə yaranan texniki nasazlıq səbəb olub. Növbəti buraxılış vaxtının yaxın zamanlarda açıqlanacağı bildirilib.
Qeyd edək ki, NASA növbəti 10 il ərzində Aya insan göndərmək üçün "Artemis" proqramını işə salıb.