Bakı.Trend:
Aprelin 25-də İstanbulda Rusiya və Türkiyədən olan hökumət nümayəndələri arasında Yaxın Şərq üzrə müşavirə keçiriləcək.
Trend xəbər verir ki, bu barədə TASS Türkiyə XİN-ə istinadən məumat yayıb.
Türkiyəni müşavirədə ölkənin xarici işlər nazirinin müavini Nuh Yılmaz təmsil edəcək, Rusiya tərəfindən isə (görüşdə) ölkənin xarici işlər nazirinin müavini Mixayil Boqdanov iştirak edəcək”, - deyə Türkiyə XİN-dən bildiriblər.
Tərəflər regional məsələlər, o cümlədən, Suriya və Fələstindəki vəziyyətlə bağlı fikir mübadiləsi aparmağı planlaşdırırlar.