Qazaxıstan, Astana, 17 iyul / Trend , müxbir K.Konırova /
Qazaxıstanda nüvə sınağının qurbanlarının xatirəsinə kompleks açmaq planlaşdırılır. Bu barədə Trend -a Qazaxıstan Respublikası Senatının mətbuat xidmətindən məlumat verilib.
"Semipalatinsk nüvə sınağının poliqonunda nüvə sınağının qurbanlarının xatirəsinə monumental kompleksin Şərqi Qazaxıstan vilayətinin Kaynar Abralin kəndində avqustun 29-da açılması planlaşdırılır", - Senatdan deyilib.
20 il əvvəl məhz bu gün Semipalatin nüvə sınağı poliqonu bağlanıb.
"Monumentin açılışı günü poliqonda sınağın dayandırılmasının 20 illiyinə həsr olunmuş elmi konfransın keçirilməsi nəzərdə tutulub", - mətbuat xidmətindən deyilib.
Senatdan qeyd ediblər ki, abidə vətəndaşların könüllü ianəsi və yenidən yaradılmış "Abralı - Deqelen" ictimai fondunun vəsaiti hesabına tikilir.
Məqalə müəllifi ilə əlaqə ünvanı: [email protected]