Bakı. Trend:
FIFA referisi Əliyar Ağayev növbəti beynəlxalq oyuna təyinat alıb.
Trend-in AFFA-ya istinadən verdiyi məlumata görə, 2018-ci ildə Rusiyada təşkil olunacaq dünya çempionatının seçmə mərhələsində noyabrın 13-də Nikosiya şəhərində keçiriləcək Kipr - Cəbəllütariq qarşılaşmasının baş hakimi Əliyar Ağayev olacaq.
Ona Zeynal Zeynalov və Rza Məmmədov kömək edəcəklər. Dördüncü hakim funksiyasını Orxan Məmmədov yerinə yetirəcək.