Bakı. Trend:
Futbol üzrə Almaniya çempionatının 27-ci turunda "Şalke" "Auqsburq"u qəbul edib.
Trend-in məlumatına görə, oyun qonaqların 0:3 hesablı qələbəsi ilə yekunlaşıb.
Oyunda qolları Eduard Löven (6-cı dəqiqə), Noa-Joel Sarenren-Baze (76-cı dəqiqə) və Serxio Kordova (90-cı dəqiqə) vurublar.
Qeyd edək ki, digər oyunlarda olduğu kimi "Şalke" - "Auqsburq" matçında da koronavirusdan ölənlər bir dəqiqəlik sükutla yad edilib.