Yekaterinburq. Trend:
Beynəlxalq Universitet İdman Festivalında güləşçimiz qızıl medal
qazanıb. Rusiyanın Yekaterinburq şəhərində keçirilən Beynəlxalq
Universitet İdman Festivalı davam edir.
Trend xəbər verir ki, qadın
güləşində Azərbaycan idmançısı Gültəkin Şirinova (53 kq) rəqibi rus
Aleksandra Karamzinanı 9:5 hesabı ilə məğlub edərək festivalda
Azərbaycana ilk qızıl medalı qazandırıb.
Qeyd edək ki, avqustun 31-dək davam edəcək Beynəlxalq Universitet
İdman Festivalı Yekaterinburq şəhərinin 300 illik yubileyinə həsr
edilib. 36 ölkədən müxtəlif universitetlərin tələbələri 14 idman
növündə qüvvələrini sınayırlar.
Festivalda Azərbaycanı 10 təhsil ocağından 54-ü kişi, 15-i qadın, olmaqla 69 idmançı təmsil edir. Təmsilçilərimiz 8 idman növündə - badminton, stolüstü tennis, boks, güləş, taekvondo, futzal, üzgüçülük, sambo üzrə yarışırlar.
