Azərbaycanın FIFA referisi Hikmət Qafarlı 19 yaşadək futzalçılardan ibarət komandalar arasında Avropa çempionatının final mərhələsində keçirilmiş Fransa – Portuqaliya oyununu idarə edib.
Trend xəbər verir ki, beynəlxalq dərəcəli referinin birinci hakim olduğu matçda portuqaliyalılar rəqibini darmadağın edib – 5:1.
H.Qafarlı görüş ərzində hər komandadan bir oyunçunu cəzalandırıb. 26-cı dəqiqədə Fransa yığmasının qapıçısı Sandro Souzaya sarı vərəqə göstərən baş hakim cəmi bir dəqiqə sonra Portuqaliya seçməsinin hücumçusu Lusio Roşaya rəsmi xəbərdarlıq edib.
Qeyd edək ki, Fransa – Portuqaliya oyununda Hikmət Qafarlıya Mariya Mislovska (Ukrayna) və Çiara Perona (İtaliya) kömək ediblər. Hakimlərin işinə isə italiyalı Massimo Çumbo qiymət verib.