Bakı. Trend:
Misli Premyer Liqasının XXVIII turunun bu gün keçirilən iki oyunu başa çatıb.
Trend xəbər verir ki, günə Bakıda start verilib. Uğursuz mövsüm keçirən “Neftçi” komandasının “Araz-Naxçıvan” ilə qarşılaşmasında ilk 6 dəqiqədə hər iki komanda bir dəfə fərqlənib. Daha sonra isə tərəflərin cəhdləri nəticəsiz qalıb və oyun 1:1 hesabı ilə başa çatıb.
Digər qarşılaşma Sumqayıtda baş tutub. Şəhərin eyniadlı komandası “Sabah” ilə üz-üzə gəlib. Bu matçda da hesab erkən açılıb. Qarşılıqlı qollarla yadda qalan oyunda komandalar ümumilikdə 6 dəfə fərqləniblər və oyun 3:3 hesabı ilə yekunlaşıb.
Qeyd edək ki, tura sabah yekun vurulacaq.
16:45. “Neftçi” – “Araz-Naxçıvan” - 1:1
19:00. “Sumqayıt” – “Sabah” - 3:3