Bakı. İlkin Şəfiyev - Trend:
Azərbaycan Dövlət Neft Şirkəti (SOCAR) “Ümid-Babək” və “Qarabağ” yataqlarında işlərin aparılması ilə əlaqədar nizamnamə kapitalının artırılması üçün nəzərdə tutulmuş vəsaitlərin üçdə bir hissəsini alıb.
Trend-in məlumatına görə, bunu SOCAR-ın iqtisadi məsələlər üzrə vitse-prezidenti Süleyman Qasımov deyib.
O bildirib ki, SOCAR bu əməliyyatlar üçün artıq 221 milyon manat vəsait əldə edib.
Qeyd edək ki, 2018-ci ilin dövlət büdcəsində SOCAR-a “Ümid-Babək” və “Qarabağ” yataqlarında işlərin aparılması üçün 663 milyon dollar vəsaitin ayrılması nəzərdə tutulub.