Bakı. Trend:
Transxəzər beynəlxalq nəqliyyat marşrutu (TBNM, Orta Dəhliz - red.) digər tərəfdaşlarımız kimi Sloveniya şirkətlərinə də açıqdır.
Trend xəbər verir ki, bu sözləri Azərbaycanın xarici işlər naziri Ceyhun Bayramov bu gün Bakıda keçirilən Azərbaycan-Sloveniya Biznes Forumunda deyib.
"Azərbaycan, eyni zamanda, regionumuzda və daha geniş coğrafiyada nəhəng nəqliyyat və logistika layihələrinin təşəbbüskarı və icraçısı kimi yaxşı tanınıb.
Məhz bu layihələr sayəsində Xəzər regionu Avropa və Asiyan arasında nəqliyyat və ticarət əlaqələrini birləşdirən qitələrarası ticarət və tranzit dəhlizinin əsas seqmentlərindən birinə çevrilib.
Konkret olaraq Bakı-Tibilisi-Qars dəmiryolu, Bakı Beynəlxalq Dəniz Ticarət Limanı, eləcə də Ələt Azad İqtisadi Zonası kimi layihələr Transxəzər beynəlxalq nəqliyyat marşurutunu Orta Dəhlizin əsas həlqələrindən biri kimi tanıdır.
Orta Dəhliz vasitəsilə Çindən Mərkəzi və Cənub-Şərqi Avropaya və əks istiqamət üzrə malların daşınması da Transxəzər beynəlxalq nəqliyyat marşrutu digər tərəfdaşlarımız kimi Sloveniya şirkətlərinə də açıqdır", - nazir qeyd edib.