Özbəkistan, Daşkənd, 02 dekabr / Trend , müxbir T.Jukov/ Respublika prezidenti İslam Kərimov müəssisələrə yardım və dünya maliyyə böhranı şərtlərində ixrac potensialının artırılması proqramını təsdiq edib, - Trend -ın Daşkənddəki xüsusi müxbiri xəbər verir.
Proqramda iri özbək müəssisələrinin dünya böhranından qorunması üçün tədbirlər kompleksi göstərilir. İlk növbədə, bu, müasirləşmənin aparılması, iqtisadiyyat sahələrinin baza müəssisələrinin, ixraca meylli və idxalı əvəz edən istehsalların texniki və texnoloji cəhətdən yenidən təchiz olunmasıdır. Eyni zamanda, ixracatçı müəsissələrə dövriyyə vəsaitlərinin tamamlanması üçün güzəştli kreditlərin ayrılması, müvəqqəti vergi güzəştlərinin təqdim olunması və mövcud kredit borclarının yenidən strukturlaşması imkanlarının ayrılması planlaşdırılıb.
Ölkə iqtisadiyyatının baza sahələrində müasirləşmənin 11 mühüm proqramının realizəsinin sürətləndirilməsi üçün əlavə tədbirlər nəzərdə tutulub. Köhnəlmiş qurğuların sənaye müəssisələrinin əsas fondlarından çıxarılması sürətlənəcək, texniki yenidəntəchizat layihələri üzrə avadanlığın alınmasına qabaqlayıcı sifarişlər gerçəkləşdiriləcək. Proqramda nəqliyyat strukturunda və sənayedə nisbətən mühüm layihələrin realizə müddətlərinin tezləşdirilməsi əksini tapıb.
Elektrik enerjisinin əsas kommunal xidmətlərin qiymətlərinin əsaslandırılmamış şəkildə artırılmasına mane olmaq və texnoloji proseslərin səmərəliləşdirilməsi hesabına müəssisələrdə məhsulun maya dəyərinin 20 faizdən çox enməsinə, material, enerji tutumunun azalmasına və digər itkilərə yol verməmək üçün xüsusi tədbirlər qeydə alınıb.
"Hazırda dünya iqtisadiyatında həyəcanlı vəziyyət yaranıb, bir çox ölkələr maliyyə-iqtisadi böhran keçirirlər", - prezident fərmanına şərhdə deyilir: "Özbəkistan hökuməti konkret tədbirlər planı hazırlayıb, bu, ölkənin dünya maliyyə böhranı riskinə daha az məruz qalmasına yardım edir. Eyni zamanda, bir sıra zahiri amillər, ən başlıcası, dünya mal bazarında konyunkturanın ağırlaşması halı mövcuddur. Bu, qiymətlərin və Özbəkistan müəssisələrinin ixrac etdiyi məhsulların ayrı - ayrı növlərinin azalması yolu ilə bizim iqtisadiyyatımıza mənfi təsir edir".
Müəlliflə əlaqə ünvanı: [email protected]
