Azərbaycan, Bakı, 12 noyabr /Trend, müxbir İ.Xəlilova/
Azərbaycan bankı "Bank of Baku" ASC 2011-ci ildə bank aktivlərinin 50-60 milyon manat artım proqnozlarına baxmayaraq, xarici istiqrazların həcminin əhəmiyyətli dərəcədə artımına ehtiyac görmür. Bu barədə cümə günü Trend-ə bankın idarə heyətinin sədri Cəlal Qasımov deyib.
"Bu günə ötən ildə olduğu kimi, xarici istiqrazların cəlb olunmasına ehtiyac yoxdur, lakin əgər bankın aktivləri 50-60 milyon manat artsa, cəlb edilmə barədə düşünməli olmayacağıq. Belə ki, bu gün bankın kifayət qədər likvidlik qalığı var, depozit artımı davam edir və gəlir artır", - Qasımov deyib.
Onun sözlərinə görə, hazırda "Bank of Baku"un likvidliyi Azərbaycan Mərkəzi Bankının 30 faizli normativi ilə 150 faiz təşkil edir.
"Bu gün bankın əməliyyatlarının effektivliyi çox yüksəkdir. Beləliklə, bu il bankın aktivlərinin artımı 25-30 milyon manat planlaşdırılıb, lakin 50 milyon manat təşkil edib. Əgər gələn il 50 milyonun yerinə 70-80 milyon artırsaq, onda əlavə cəlb edilmə mənbələri barədə fikirləşməli olacağıq", - bank rəhbəri deyib.
Onun sözlərinə görə, cəlb olunmalar "Bank of Baku"nun artıq işlədiyi xarici maliyyə institutlarında mümkündür.
"Kredit qoyuluşunun həcminin artması gələn il 40-50 milyon manat səviyyəsində planlaşdırılır ki, bu da artımın kifayət qədər ciddi artım sürəti hesab olunur, - Qasımov hesab edir. - Ay ərzində portfelin artımı 4-5 milyon manat təşkil edir".
"Gələn il biz həmin tendensiyanı davam etdirməyə hazırıq və banka bir neçə ay əvvəl nağd pullar lazımdır. Kreditləşmə siyasətimizdə əsas amil bütün dəyişikliklərin daxili vəsaitlərlə ödənilməsi üçün müntəzəm və ardıcıl olmaqdır. Ona görə də kiçik likvidlik qalıqları lazımdır", - Qasımov deyib.
Bununla bağlı bank birinci növbədə əhalinin cəlb olunmuş depoziti üzərində işləmək niyyətindədir, cəlbetmələr isə hələlik daxili bazarda istiqrazların buraxılması hesabına nəzərdə tutulur.
İstiqrazlar hesabına "Bank of Baku" 12,8 milyon manata qədər cəlb edə bilər, belə ki, Azərbaycan Qiymətli Kağızlar üzrə Dövlət Komitəsinin məhdudiyyətləri ilə bağlı emissiyanın təmin olunmamış istiqrazlarının həcmi nizamnamə kapitalının məbləğini keçməməlidir.
"2011-ci ildə nizamnamə kapitalını planlaşdırılmış səviyyəyə - 24-25 milyon manata qədər artırsaq, 20 milyon manatadək məbləğdə istiqrazlar buraxa biləcəyik", - Qasımov deyib.
9 ayın yekunlarına görə, bankın nizamnamə kapitalı 30 milyon manat, gəlirləri 12,1 milyon manat təşkil edir, depozit portfeli isə ilin əvvəlində 80 milyon manatdan 120 milyon manata qədər artıb. Bankın aktivləri ilin əvvəlindəki 180 milyona nisbətdə 232 milyon manat təşkil edir, kredit portfeli isə 125 milyondan 175 milyon manata artıb.
"Bank of Baku" 2005-ci ildə iki yerli özəl bankın birləşməsi nəticəsində yaradılıb.
1997-ci il fevralın 10-da adı "Bank of Baku" kimi dəyişdirilən "Tuqay" ticarət bankı 1994-cü il fevralın 14-də qeydiyyatdan keçib. Daha sonra bank təşkilati-hüquqi formasını dəyişib - 1997-ci il avqustun 27-dən "Bank of Baku" birgə səhmdar ticarət bankı kimi təkrar qeydiyyatdan keçib, 2004-cü il oktyabrın 22-də isə açıq səhmdar cəmiyyəti hüquqi statusunu alıb.
2005-ci il yanvarın 26-da Azərbaycan Mərkəzi Bankı "Bank of Baku" və "İlkbank" banklarının birləşməsi faktını rəsmi şəkildə təsdiq edib, fevralın 18-də birləşmə nəticəsində "Bank of Baku" ASC bank əməliyyatlarının həyata keçirilməsinə lisenziya alıb.
Noyabrın 12-nə olan rəsmi məzənnə 0,8001 AZN/USD təşkil edir.