...

Azərbaycanda sığorta agentlərinin problemləri müzakirə ediləcək

Biznes və iqtisadiyyat xəbərləri Materials 29 Noyabr 2012 17:29 (UTC +04:00)

Azərbaycan, Bakı, 29 noyabr /Trend, müxbir A.Axundov/

Azərbaycanda sığorta agentlərinin forumu keçiriləcək. Bu barədə Trend-ə Azərbaycan Maliyyə Nazirliyi yanında Dövlət Sığorta Nəzarəti Xidmətinin rəisi Namiq Xəlilov bildirib.

Forum dekabrın 7-də Maliyyə Nazirliyi və Azərbaycan Sığortaçılar Assosiasiyasının təşkilatçılığı ilə baş tutacaq.

"Müəyyən problemlər mövcuddur, sığorta agentlərinə etirazlarımız, onların isə bizə sual və təklifləri var. Bütün bunları müzakirə etmək lazımdır. Bu vaxtadək belə görüş olmayıb", - Xəlilov vurğulayıb.

Onun sözlərinə görə, görüşdə ümumilikdə agentlik fəaliyyəti və xüsusən, icbari sığorta ilə əlaqədar problemlər, çatışmazlıqlar, təkliflər və digər məsələlər nəzərdən keçiriləcək.

Məqalədə:
Xəbər lenti

Xəbər lenti