...

Dövlət Xidməti: Azərbaycanda sığorta müqavilələri elektron formada bağlanacaq

Biznes və iqtisadiyyat xəbərləri Materials 11 Dekabr 2013 15:41

Trend-i buradan izləyin

Azərbaycan, Bakı, 11 dekabr /Trend, müxbir E.Əliyev/

Azərbaycanda sığorta müqavilələri elektron formada bağlanıla bilər. Trend-in məlumatına görə, bu barədə çərşənbə günü Bakıda keçirilən Sığorta Agentlərinin II Milli Forumunda Maliyyə Nazirliyi yanında Dövlət Sığorta Nəzarəti Xidmətinin Lisenziyalaşdırma, ərizə və şikayətlər şöbəsinin müdiri Mahir Abdullayev bildirib.

Onun sözlərinə görə, Milli Məclis cari ilin oktyabr ayının 29-da tezliklə qüvvəyə minəcək "Sığorta fəaliyyəti haqqında" qanuna dəyişiklikləri təsdiq edib: "Yeniliklərdən biri müqavilələrin elektron formada bağlanması imkanıdır. Bu, sığorta şirkətləri və müştərilərə vaxta qənaət etməyə imkan verəcək".

M.Abdullayev qeyd edib ki, belə imkan sığorta agentlərinə də şamil ediləcək: "Müştəri elektron müqavilə çərçivəsində sığorta polisini ödəməklə müqavilənin şərtləri ilə razı olduğunu təsdiq edəcək".

Şöbə müdiri deyib ki, qanunda dəyişikliklər eyni zamanda sığorta şərtləri və digər vəziyyətlər haqqında müştərilərin mütləq qaydada məlumatlandırılması üçün sığorta şirkətlərinin üzərinə məsuliyyət qoyur: "Sığorta agentləri müştəriyə hüquq və öhdəliyini, sığorta hadisəsi zamanı özünü aparmaq qaydasını, baş vermiş hadisə üzrə sığorta şirkətinin ödənişdən imtina edə bilməsi üçün şərtləri izah etməyə, həmçinin bütün zəruri informasiyanın əks olunacağı aydın və asan tərtib edilmiş yaddaş dəftərçəsini müştərilərə verməyə məcbur olacaqlar".

Onun sözlərinə görə, Dövlət Sığorta Nəzarəti Xidməti vaxtaşırı olaraq vətəndaşların şikayətləri ilə qarşılaşır: "Onlar şikayətlərində qeyd edirlər ki, hadisə zamanı özlərini necə aparmalı olduqlarını bilmirlər. Qanunvericiliyin təkmilləşdirilməsi bu problemi aradan qaldırmağa kömək edəcək".

Məqalədə:
Xəbər lenti

Xəbər lenti