...

Dövlət Xidməti: Azərbaycanın sığorta bazarında kütləvi pozuntular yoxdur

Biznes və iqtisadiyyat xəbərləri Materials 11 Dekabr 2013 17:00 (UTC +04:00)

Azərbaycan, Bakı, 11 dekabr /Trend, müxbir E.Əliyev/

Bəzi sığorta edənlərin vicdansızlığı problemi unikal deyil. Bu, bütün bazarlarda, həmçinin Azərbaycan bazarında olub, var və olacaq. Trend-in məlumatına görə, bunu jurnalistlərə Maliyyə Nazirliyi yanında Dövlət Sığorta Nəzarəti Xidmətinin rəisi Namiq Xəlilov deyib.

O, hesab edir ki, kütləvi pozuntuların olması barədə danışmağa dəyməz: "Misal üçün, avtonəqliyyat vasitəsi sahiblərinin mülki məsuliyyətinin icbari sığortası üzrə cari ildə 16 mindən artıq ödəniş edilib. Eləcə də bu seqment üzrə şikayətlər təxminən bu rəqəmin bir faizi qədərdir. Bu, müştərilərin məmnunluq səviyyəsindən xəbər verir".

Onun sözlərinə görə, başqa amilləri də nəzərə almaq lazımdır: "Vətəndaşlar tez-tez şikayət edirlər, məsələyə baxılarkən usə məlum olur ki, sığorta şirkəti tərəfindən ona ödənilən məbləğ qanunidir və müqaviləyə cavab verir. Lakin vətəndaş özü hesab edir ki, daha çox almalıdır".

Bəzi sığorta şirkətlərinin topladığı mükafatlara nisbətən son dərəcə az həcmdə ödəniş etmələri məsələsinə toxunan Dövlət Xidmətinin rəisi izah edib ki, burada sığorta edənin portfelinin strukturu da öz rolunu oynayır: "Misal olaraq, aviasığortanı göstərmək olar. Hadisə olmadıqda aviasığorta edənin ödənişləri sıfıra bərabər olur. Portfeli əsasən, məsələn, tibbi sığorta hesabına formalaşan şirkətlərdə mükafatların ödənişlərə nisbəti yüksək olacaq".

Məqalədə:
Xəbər lenti

Xəbər lenti