Azərbaycan, Bakı, 21 yanvar /Trend, müxbir A.Axundov/
Maliyyə Nazirliyi 2014-cü il yanvarın sonunadək sığorta və təkrar sığorta şirkətləri üçün kapital artımının yeni qrafikini təsdiq etməyi planlaşdırır.
Bunu Trend-ə Maliyyə Nazirliyi yanında Dövlət Sığorta Nəzarəti Xidmətinin rəisi Namiq Xəlilov deyib.
Onun sözlərinə görə, yeni normativlər Ədliyyə Nazirliyinin Dövlət Reyestrinə daxil edilən kimi Ədliyyə və Maliyyə nazirliklərinin saytlarında dərc ediləcək.
N.Xəlilov qeyd edib ki, hazırda yeni normativlər tam rəsmiləşdirilməyib: "Hər halda kapitallaşmaya qarşı yeni tələblər bazar üçün böyük problemlər yaratmamalıdır".