Azərbaycan, Bakı, 7 mart /Trend, müxbir A.Axundov/
2013-cü ilin yekunları üzrə Azərbaycanın sığorta şirkətlərinin ümumi gəliri 60,5 milyon manat təşkil edib ki, bu da 2012-ci ilin analoji göstəricisini 49 faiz üstələyir. Trend-in məlumatına görə, bunu cümə günü Maliyyə Nazirliyinin Dövlət Sığorta Nəzarəti Xidmətinin rəis müavini Müşfiq İsrafilov Bakıda İcbari Sığorta Bürosunun (İSB) 2013-cü ildə fəaliyyətinin yekunlarına və 2014-cü ildə vəzifələrinə həsr edilmiş tədbirdə çıxışı zamanı deyib.
Onun sözlərinə görə, ötən il sığortaçıların aktivləri 19,5 faiz artaraq 717,8 milyon manata, sığorta şirkətlərinin ümumi nizamnamə kapitalı isə hesabat dövründə 9 faiz artaraq 320,7 milyon manata çatıb.
2013-cü ilin nəticələri üzrə ölkədə fəaliyyət göstərən bütün sığorta şirkətlərinin yığımlarının ümumi həcmi 405,68 milyon manat (il ərzində 18,44 faiz artım) təşkil edib, hesabat dövründə isə 122,8 milyon manat (30,83 faiz artım) məbləğində ödəniş həyata keçirilib.
