...

Azərbaycanda daşınmaz əmlakın icbari sığortası üzrə müqavilələrin sayı 3,3 dəfə artıb

Biznes və iqtisadiyyat xəbərləri Materials 3 Aprel 2014 20:02 (UTC +04:00)

Azərbaycan, Bakı, 3 aprel /Trend, müxbir A.Axundov/

2014-cü ilin mart ayında daşınmaz əmlakın icbari sığortası üzrə 24,562, daşınmaz əmlakın istismarı ilə bağlı mülki məsuliyyətin icbari sığortası üzrə 339, sərnişinlərin fərdi qəza sığortası üzrə 2 sığorta müqaviləsi bağlanıb.

Trend-in İcbari Sığorta Bürosuna istinadən verdiyi məlumata görə, daşınmaz əmlakın icbari sığortası üzrə daxil olan sığorta haqlarının məbləği 1,54 milyon manat, daşınmaz əmlakın istismarı ilə bağlı mülki məsuliyyətin icbari sığortası üzrə daxil olan sığorta haqlarının məbləği 25,3 manat, sərnişinlərin fərdi qəza sığortası üzrə daxil olan sığorta haqlarının məbləği isə 222 manat təşkil edib.

Ötən ilin müvafiq dövrü ilə müqayisədə daşınmaz əmlakın icbari sığortası müqavilələrinin sayında 3,3 dəfə artım, daşınmaz əmlakın istismarı ilə bağlı mülki məsuliyyətin icbari sığortası müqavilələrinin sayında 1,5 dəfə artım müşahidə edilib.

Daşınmaz əmlakın icbari sığortası üzrə sığorta müqavilələrinin 90,8%-i yaşayış evləri və mənzillər, 0,2%-i inzibati binalar, 9%-i isə digər daşınmaz əmlakla bağlı olub.

İcbari qaydada sığortalanmış yaşayış evləri və mənzillərin rayonlar üzrə bölgüsü aşağıdakı kimi olub: Bakı - 19 faiz, Astara - 8 faiz, Gəncə - 6 faiz, Qazax - 5 faiz, Sabirabad - 4 faiz, Ucar - 4 faiz, Beyləqan - 4 faiz, Salyan - 3 faiz, digər rayonlar - 40 faiz.

Məqalədə:
Xəbər lenti

Xəbər lenti