Azərbaycan, Bakı, 4 iyul /Trend, müxbir Zülfiyyə Qurbanova/
2014-cü ilin iyun ayında daşınmaz əmlakın icbari sığortası üzrə 8 968 sığorta müqaviləsi bağlanıb ki, bu da ötən ilin eyni dövrünün göstəricisindən 23,29 faiz azdır. Daşınmaz əmlakın icbari sığortası üzrə daxil olan sığorta haqlarının məbləği 2,11 milyon manat təşkil edib. Bu barədə Trend İcbari Sığorta Bürosuna istinadən məlumat verir.
Daşınmaz əmlakın icbari sığortası üzrə müqavilələrin 74,53 faizi yaşayış evləri və mənzillər, 0,57 faizi inzibati binalar, 24,9 faizi isə digər daşınmaz əmlakla bağlı olub.
İcbari qaydada sığortalanmış yaşayış evləri və mənzillərin 31 faizi Bakıda, 15 faizi Gədəbəydə, 5 faizi Xaçmazda, 4 faizi Gəncə, Şamaxı və Şəmkir, hər birində 3 faiz olmaqla Sumqayıt və Salyanda, hər birində 2 faiz olmaqla İmişli və Mingəçevirdə, 27 faizi isə digər rayonlardadır.
İyunda daşınmaz əmlakın istismarı ilə bağlı mülki məsuliyyətin icbari sığortası üzrə 295 müqavilə (0,68% artım) imzalanıb, onlar üzrə yığımlar isə 24,2 min manat təşkil edib. Sərnişinlərin icbari fərdi qəza sığortası üzrə isə 154 müqavilə (19,8 min manat) imzalanıb.
İyunda ötən ilin müvafiq dövrü ilə müqayisədə daşınmaz əmlakın icbari sığortası müqavilələrinin sayında 0,68 faiz artım müşahidə olunub.