Azərbaycan, Bakı, 5 sentyabr /Trend, müxbir Zülfiyyə Qurbanova/
2014-cü ilin avqust ayında daşınmaz əmlakın icbari sığortası üzrə 9 440 sığorta müqaviləsi bağlanıb ki, bu da ötən ilin eyni dövrünün göstəricisindən 50,56 faiz çoxdur. Daşınmaz əmlakın icbari sığortası üzrə daxil olan sığorta haqlarının məbləği 1,54 milyon manat təşkil edib. Bu barədə Trend İcbari Sığorta Bürosuna istinadən məlumat verir.
Daşınmaz əmlakın icbari sığortası üzrə müqavilələrin 79,92 faizi yaşayış evləri və mənzillər, 0,26 faizi inzibati binalar, 19,82 faizi isə digər daşınmaz əmlakla bağlı olub.
Avqustda daşınmaz əmlakın istismarı ilə bağlı mülki məsuliyyətin icbari sığortası üzrə 226 müqavilə imzalanıb, onlar üzrə yığımlar isə 18,4 min manat təşkil edib. Sərnişinlərin icbari fərdi qəza sığortası üzrə isə 8 müqavilə (1,3 min manat) imzalanıb.
Avqustda ötən ilin müvafiq dövrü ilə müqayisədə daşınmaz əmlakın icbari sığortası müqavilələrinin sayında ötən ilin eyni dövrü ilə müqayisədə 9,18 faiz artım müşahidə olunub.
15 şirkət İcbari Sığorta Bürosunın iştirakçısıdır.