Azərbaycan, Bakı, 16 oktyabr /Trend, müxbir Azad Həsənli/
Bu ilin yanvar-avqust aylarında Azərbaycanda sığorta haqlarının 237,3 milyon manatı və ya 75,5%-i qeyri-həyat sığortasının payına düşüb. Trend xəbər verir ki, bu barədə cümə axşamı Azərbaycan Sığortaçılar Assosiasiyasının (АSА) rəhbəri Orxan Bayramov 9 ayın yekunlarına həsr edilmiş mətbuat konfransında bildirib.
Ötən ilin eyni dövrü ilə müqayisədə qeyri-həyat sığortası bazarı сəmi 14,8 milyon manat və ya təxminən 5,5% azalıb.
Hesabat dövründə yaşam sığortası üzrə ödənişlər 92,85 milyon manat (ödənişlərin ümumi həcminin 79,8 faizi) olub ki, bu da ötən ilin analoji dövrünün göstəricisindən 7,35 milyon manat (8,6 faizə yaxın) çoxdur.
O, qeyd edib ki, tibbi sığortanın payında 35,2 milyon manat və ya 37,9 faiz ödənişlə yaşam sığortası üzrə yığımlar 53,2 milyon manat (22,4 faiz), 21,1 milyon manat yaxud 22,7 faiz ödənişlə avtomobillərin icbari sığortası - 51,3 milyon manat (21,6 faiz), 20,6 milyon manatlıq, yaxud 22,2 faiz ödənişlə KASKO sığorta - 27,7 milyon manat (11,7 faiz), 6,1 milyon manat, yaxud 6,6% ödənişlə əmlakın yanğından və digər risklərdən sığortası - 23 milyon manat (9,7 faiz), 1,5 milyon manatlıq və ya 1,7 ödənişlə daşınmaz əmlakın icbari sığortası üzrə yığımlar isə 13,4 milyon manat (5,6 faiz) təşkil edib.
Hesabat dövründə qeyri-həyat sığortası bazarında toplanmış hər 100 manat sığorta haqqı müqabilində 39,1 manata yaxın ödəniş həyata keçirilib. Bu göstərici ötən ilin yanvar-sentyabr aylarında 33,9 manat olub.
