Azərbaycan, Bakı, 11 sentyabr /Trend, müxbir Ənvər Məmmədov/
Maliyyə Nazirliyi 63 sığorta agentinin müddətsiz lisenziyasının etibarlılığını müvəqqəti dayandırıb. Bu barədə Trend Maliyyə Nazirliyinin Dövlət Sığorta Nəzarəti Xidmətinə istinadə məlumat verir.
Məlumatda deyilir: "63 şəxsə sığorta agenti fəaliyyətinə verilmiş müddətsiz lisenziyalar həmin şəxslərin hesabatlılıqla bağlı Maliyyə Nazirliyinin təqdimatlarına riayət etməməsi səbəbindən nazirliyin müvafiq əmri ilə 3 sentyabr 2015-ci il tarixdən 3 ay müddətinə dayandırılıb".
Qeyd edək ki, 2014-cü ilin sonundan Azərbaycanda təqribən 200 sığorta agentinin lisenziyası ləğv edilib.