Milli Məclisin yaz sessiyasında "Siyasi partiyalar haqqında" yeni qanun layihəsinin müzakirə olunacağı gözlənilir. Bu barədə Trend xəbər verir.
Parlamentdən verilən məlumata görə, yaz sessiyasında müzakirə olunacaq qanun layihələrinin siyahısı məlum olsa da orada "Siyasi partiyalar haqqında" qanun yoxdur.
"Lakin Milli Məclisin yaz sessiyasında "Siyasi partiyalar haqqında" yeni qanun layihəsinin müzakirə olunacağı gözlənilir. Çünki bir neçə subyektin qanunvericilik təşəbbüsü ilə çıxış etmək hüququ var. Adıçəkilən qanunun belə bir təşəbbüslə Milli Məclisə daxil olacağı gözlənilir", - deyə məlumatda bildirilir.
Xatırladaq ki, hazırda qüvvədə olan "Siyasi partiyalar haqqında" qanun 1992-ci ildə qəbul olunub. Həm hakim Yeni Azərbaycan Partiyası, həm də müxalifət "Siyasi partiyalar haqqında" yeni qanunun qəbul olunmasını vacib sayırlar.
Bir neçə millət vəkili bununla bağlı yeni layihə hazırlayıblar.
