Bakı. Trend:
Böyük Britaniyanın Baş naziri Boris Conson qeyri-qanuni immiqrasiyaya qarşı mübarizənin gücləndirilməsinə yönəlmiş tədbirlər kompleksini təqdim edəcək.
Trend-in məlumatına görə, bu barədə baş nazirin mətbuat xidməti bildirib.
Məlumata əsasən, hökumət başçısı immiqrantların qaçaqmalçılığı ilə məşğul olan "qaçaqmalçıların biznes modelini məhv etmək" niyyətindədir:
"Britaniyalılar öz ölkələrinin sərhədlərinə nəzarət etmək üçün bir neçə dəfə səs verdilər. Sərhədləri bağlamamaq, ancaq nəzarət etmək. Biz Avropa İttifaqından çıxmağımıza görə qeyri-qanuni miqrasiyaya nəzarəti bərpa edirik və ölkədə sığınacaq almaq üçün uzunmüddətli plan təqdim edirik".
Böyük Britaniyanın baş nazirinin La-Manş boğazından qeyri-qanuni miqrantların daşınmasının qarşısının alınması üçün əməliyyatların gücləndirilməsini təklif edəcəyi vurğulanıb.