Bakı. Trend:
İtaliya hökuməti şənbə günü yağan güclü yağışlar nəticəsində torpaq sürüşməsinin baş verdiyi İskya adasında fövqəladə vəziyyət elan edib.
Trend-in məlumatına görə, bu barədə İtaliya Nazirlər Şurarısın sədri Corca Meloninin mətbuat xidməti bildirib.
Məlumata əsasən, Nazirlər Şurasının bazar günü keçirilən fövqəladə iclasında fövqəladə vəziyyətin nəticələrinin aradan qaldırılması üçün 2 milyon avro ayrılıb.
"Nazirlər Şurası Baş nazir Corca Meloni və Mülki Müdafiə və Dəniz Siyasəti naziri Nello Muzumeçinin təklifi ilə Milli Fövqəladə Hallar Fondundan 2 milyon avro ayrılaraq fövqəladə vəziyyət elan etmək qərarına gəlib", - deyə açıqlamada qeyd olunub.