Bakı. Trend:
Yeni Zelandiya hökuməti Ukraynaya silah tədarükü və mülki əhaliyə humanitar yardım üçün ümumilikdə 9,5 milyon dollar məbləğində yardım paketi ayıracaq.
Trend-in məlumatına görə, bu barədə ölkənin baş naziri Kristofer Lakson məlumat verib.
Laksonun sözlərinə görə, yardım NATO-nun Ukraynaya Təhlükəsizliyə Yardım və Təlim Missiyası (NSATU) və Böyük Britaniya ilə Latviyanın rəhbərlik etdiyi Ukrayna üçün PUA-ların İnkişafı və Təchizatı Koalisiyası vasitəsilə təqdim olunacaq.
Ümumi yardım paketinin 8 milyon Yeni Zelandiya dolları (təxminən 4,8 milyon ABŞ dolları) silah və pilotsuz uçuş aparatlarının alınmasına yönəldiləcək. Daha 7 milyon Yeni Zelandiya dolları (təxminən 4,1 milyon ABŞ dolları) münaqişədən zərər çəkən ukraynalılara humanitar yardımın təşkili üçün, 1 milyon Yeni Zelandiya dolları (təxminən 600 min ABŞ dolları) isə xaricdə yaşayan ukraynalı qaçqınlara dəstək üçün ayrılacaq.