Bakı. Trend:
Qazaxıstanın şimalında yerləşən İlyiçevka kəndində “Tanınşa may” müəssisəsinə məxsus yağ emalı zavounda qaz partlayışı baş verib.
Trend xəbər verir ki, bu barədə Qazaxıstan FHN-in mətbuat xidməti məlumat yayıb.
Məlumata əsasən, qazholderin doldurulması zamanı şlanq qırılıb. Nəticədə qaz sızması baş verib və yeraltı anbarın armaturu yanmağa başlayıb.
Hadisə nəticəsində 9 nəfərin müxtəlif dərəcəli yanıq xəsarətləri aldığı bildirilir. Yanğının söndürülməsinə FHN-nin 80 xilasedicisi və 20 ədəd texnikası səfərbər olunub.
İnsidentlə bağlı cinayət işi açılıb.