Azərbaycan, Bakı, 16 iyul/ Trend , müxbirlər E.Tariverdiyeva, V.Javornikova/Amerika hərbçiləri ilə Gürcüstanda keçirilən birgə təlimlər, Gürcüstanın müharibəyə hazırlaşamsı demək deyil.
"Amerika hərbi təlimləri regionda Gürcüstan ordusunun möhkəmləndirilməsinə istiqamətlənib. Lakin bu, amerikalilarin regionda müharibə istəməsi deyil", - Trend -a rusiyalı politoloq Sergey Markov deyib.
Azərbaycan, Ermənistan və Ukraynadan olan hərbçilərin də iştirak etdiyi üçhəftəlik "Immediate Response 2008" Gürcüstan-Amerika təlimləri çərşənbə axşamı səhər başayıb.Gürcüstan Silahlı Qüvvələrin birləşmiş qərargahı rəisinin müavini Aleksandr Osepaişvilinin bildirdiyinə görə, təlimlər yeni texnologiyalardan istifadə edilməklə aparılır.
Amerikalı analitik Ariel Koen də hesab edir ki, Amerika Qafqazda müharibə istəmir.
"ABŞ abxaz xalqına tam özünüidarəetmə hüququ verilməklə və gürcü qaçqınlarının yerlərinə qaytarılması təmin edilməklə, Qafqazda sülhü və Gürcüstanın ərazi bütövlüyünü istəyir", - Trend -a çərşənbə günü elektron poçtla The Heritage Foundation-nın (ABŞ) baş elmi məsləhətçisi Koen bildirib.
Markovun fikrincə, təlimlər ikivariantlı ola bilər. Birincisi, amerikalıların gürcü ordusu ilə birlikdə keçirdiyi adi təlimlər və ikincisi, daha çox ehtimal edilən, Rusiya ordusunun bu yaxınlarda Gürcüstanda keçirdiyi təlimlərə cavab.
"Rusiya hərbi təlimlərinin çox dəqiq məqsədi var idi. Bu - Tbilisi rəhbərliyinin Cənubi Osetiya və Abxaziyada hərbi avantürasına yol verməmək idi", - çərşənbə günü Trend -a telefonla Rusiya siyasi ARAŞdırmalar institutunun direktoru Markov deyib.
Koenin fikrincə, Rusiya Gürcüstanın NATO-ya qoşulmasının qarşısını almaq və Tbilisidə Saakaşvili hökumətini ləğv etmək istəyir.
"Rusiya Abxaziyanı da de-fakto RF-nın tərkibinə daxil etmək və sərhədlərini Novorossiyskdən cənuba aparmaq istəyir", - o bildirib.
Koenin sözlərinə görə, Rusiya gürcü böhranını birtərəfli qaydada həll edə bilmir. Çünki xəritəyə Gürcüstanın ərazi bütövlüyü məsələsi qoyulub."Birincisi, Rusiya bu bütövlüyü təkcə dildə deyil, əməli ilə də qəbul etməlidir. O, Suxumidəki separatçılara yardım etməkdən əl çəkməlidir", - ekspert bildirib.
İkincisi, Amerikalı ekspertin fikrincə, Rusiya Abxaziyanı Gürcüstandan ayırmaqla, gürcü-rus münasibətlərinə on illərlə davam edə biləcək qəzəb toxumu səpməsini nəzərdə saxlamalıdr.
"Nəhayət, Rusiya "sərhədləri bağlamaqda"Abxaziya və Cənubi Osetiyadakı "süni yaradılmış"vətəndaşlarının dəstəyindən istifadə etməməlidir. Bu cür yanaşma Avropada təhlükəsizliyi poza və gec-tez Krım üçün presedent ola bilər",- ekspert qeyd edib.
Son aylar rəsmi Tbilisi ilə Cənubi Osetiya və Abxaziya arasında fikir ayrılığı hərbi qarşıdurma xarakteri alıb. Qalidəki terror aktından və Sxinvalidəki atışmadan sonra, tanınmamış birləşmələr Tbilisini vəziyyəti gərginləşdirməkdə günahlandırdılar, Tbilisi özünün bununla əlaqəsinin olmamasını bəyan etdi və öz növbəsində, terror aktlarında Rusiyanı və qondarma rejimləri günahlandırdı.
Gürcüstan parlamentinin sədri David Bakradze bu gün jurnalistlərə bildirib ki, gürcü-abxaz münaqişəsinin tənzimlənməsi məsələsində irəliləyiş olmasa, gürcü tərəfi "Abxaziyada yerləşən silahlı qüvvələrə birtərəfli təsir etmək üçün müvafiq hüquqi addımlar atmağa hazırdır".
SSRİ dağıldıqdan sonra Gürcüstan SSR-nin tərkibində muxtariyyət statusuna malik olan Abxaziya və Osetiya öz müstəqilliklərini bəyan ediblər. Rəsmi Tbilisinin bu ərazilər üzərində nəzarəti itirməsi ilə nəticələnən silahlı münaqişədən sonra müvəffəqiyyətsiz sülh danışıqları aparılır.Tbilisi onlara Gürcüstan tərkibində geniş muxtariyyət təklif edir. Lakin bu, separatçıları qane etmir.
