Azərbaycanın xarici siyasəti həm ikitərəfli əsasda, həm də çoxtərəfli müstəvidə uğurla həyata keçirilir - nazir müavini Nadir Hüseynov

Azərbaycanın xarici siyasəti həm ikitərəfli əsasda, həm də çoxtərəfli müstəvidə uğurla həyata keçirilir - nazir müavini Nadir Hüseynov

Azərbaycan, Bakı, 9 iyul /Trend, müxbir S.Ağayev/

9 İyul - Azərbaycan diplomatik xidmət orqanları əməkdaşlarının peşə bayramı günü ilə əlaqədar Trend-in xarici işlər nazirinin müavini Nadir Hüseynovla müsahibəsi

- İyulun 9-da Azərbaycanda diplomatların peşə bayramı qeyd olunur. Sizi bu bayram münasibətilə ürəkdən təbrik edirik, Sizə bu sahədə yen-yeni uğurlar arzu edirik. Siz Azərbaycan Respublikasının müstəqillik əldə etdiyi andan Azərbaycan diplomatiyasının fəaliyyətinin nəticələrini necə qiymətləndirirsiniz?

- Diplomatiya günü Azərbaycan Respublikası üçün çox böyük əhəmiyyəti olan günlərdən biridir. 18 oktyabr 1991-ci il Konstitusiya Aktının qəbul edilməsi ilə öz dovlət müstəqilliyini bərpa etdikdən sonra Azərbaycan Respublikası üçün də müstəqil xarici siyasət yeritmək, beynəlxalq birliyə daxil olmanın özünəməxsus prioritetlərini işləyib hazırlamaq, dovlətlərarası münasibətlərin əsas istiqamətlərini müəyyən etmək kimi geniş imkanlar açılmışdı. Bu dövrdə Azərbaycan torpaqlarının bir hissəsi Ermənistan tərəfindən işğal olunmuşdu. Ölkədə vəziyyət olduqca gərgin idi. 1993-cü ildə ümummilli lider Heydər Əliyevin prezident seçilməsindən sonra xalqın firavanlığı və ölkənin davamlı inkişafı üçün ilkin şərt olan Azərbaycanın müstəqilliyi və suverenliyinin möhkəmləndirilməsi istiqamətində uğurlu strategiyanın həyata keçirilməsinə başlanıldı. Bu, xarici siyasətdə də öz əksini tapdı. Azərbaycan Respublikası öz xarici siyasətini beynəlxalq hüququn prinsipləri və normaları əsasında qurmağa başladı.

Ümummilli liderimiz Heydər Əliyev 1993-cü il oktyabr ayının 10-da prezident seçilməsi ilə bağlı keçirilən rəsmi andiçmə mərasimindəki çıxışında qeyd edib ki, "respublikamızın qarşısında duran əsas vəzifələrdən biri Azərbaycanın mənafeyini dünya miqyasında müdafiə edə bilən ağıllı, səriştəli xarici siyasətin yeridilməsidir. Qarşıda böyük vəzifələr durur. Bizim xarici siyasətimiz birinci növbədə Azərbaycanın dövlət müstəqilliyini təmin etməyə yönəldilməlidir. Vəzifə dünyanın bütün dovlətləri ilə bərabərhüqüqlu, qarşılıqlı faydalı əlaqələr yaratmaq və inkişaf etdirməkdən, bu əlaqələrdən həm Azərbaycan Respublikasının beynəlxalq mövqelərini möhkəmləndirmək, həm də respublikanın iqtisadiyyatını, elmini, mədəniyyətini inkişaf etdirmək ücün səmərəli istifadə etməkdən ibarətdir".

Azərbaycan artıq öz regionunun güclü dövlətlərindən birinə çevrilib. Artıq hər kəs inanır ki, regionda Azərbaycanın iştirakı olmadan istər siyasi, istərsə də iqtisadi sahələrdə əməkdaşlıq mümkün deyil. Burada yalnız Azərbaycanın zəngin təbii ehtiyatları və ya əlverişli coğrafi-siyasi vəziyyəti deyil, həmçinin Azərbaycanın balanslaşdırılmış xarici siyasəti, ölkə daxilində gedən proseslər, ictimai-siyasi sabitlik, beynəlxalq aləmə inteqrasiya, sabit inkişaf və digər amillər də böyük rol oynayır.

Azərbaycan xarici siyasəti istər ikitərəfli əsaslarda, istərsə də çoxtərəfli müstəvidə uğurla həyata keçirilib və keçirilməkdə davam edir. Azərbaycan Respublikası, Ermənistan istisna olmaqla, bütün qonşu dövlətlərlə mehriban qonşuluq münasibətlərinə malikdir. Bu münasibətlər iqtisadi, siyasi, hüquqi, mədəni və s. əsaslara malikdir və Azərbaycan Respublikasının bu ölkələrdəki diplomatik nümayəndəlikləri və diaspor təşkilatları tərəfindən daim inkişaf etdirilir.

Hazırda Azərbaycanın 65 ölkədə diplomatik nümayəndəlikləri fəaliyyət göstərir. Bu diplomatik nümayəndəliklərin fəaliyyəti nəticəsində Azərbaycan həqiqətləri dünya ictimaiyyətinə çatdırılıb və Azərbaycanın haqlı mövqeyi dünya dövlətlərinin çoxu tərəfindən müdafiə edilib. Məsələn, 2009-cu ildə BMT Baş Assambleyası tərəfindən "Azərbaycanın işğal olunmuş ərazilərində vəziyyət" adlı Qətnamənin dünyanın bir çox dövlətlərinin dəstəyi nəticəsində qəbul edilməsi bunu bir daha sübut edir.

Azərbaycan Respublikasının xarici siyasətində çoxtərəfli əməkdaşlıq vacib əhəmiyyətə malikdir. Bildiyimiz kimi, Azərbaycan Respublikası BMT və onun ixtisaslaşmış təsisatları, ATƏT, Avropa Şurası, İslam Konfransı Təşkilatı, Qara dəniz İqtisadi Əməkdaşlıq Təşkilatı kimi beynəlxalq və regional təşkilatların üzvü olmaqla yanaşı, Avropa İttifaqı və NATO yanında nümayəndəliklərə malikdir.

Azərbaycan Respublikası 1992-ci ilin 2 mart tarixində BMT üzvlüyünə qəbul edilib və 1992-ci il may ayının 6-da Azərbaycanın BMT nəzdində Daimi Nümayəndəliyi açılıb. BMT ilə əməkdaşlığın birinci günündən başlayaraq, Azərbaycan BMT platformasından beynəlxalq ictimaiyyətin diqqətini Ermənistan-Azərbaycan, Dağlıq Qarabağ münaqişəsinə cəlb etməyə və BMT-nin potensial imkanlarından istifadə etməklə münaqişənin sülh yolu ilə həllinə çalışıb.

1993-cü il ərzində BMT-nin Təhlükəsizlik Şurası Dağlıq Qarabağ münaqişəsinə dair 822, 853, 874, 884 saylı qətnamələr qəbul edib. BMT-nin Baş Assambleyası 1993-cü ildə keçirdiyi 85-ci plenar iclasında "Azərbaycanda olan qaçqın və məcburi köçkünlərə fövqəladə beynəlxalq yardımın göstərilməsi haqqında" Qətnamə qəbul edib. Azərbaycan BMT-nin müvafiq orqan və qurumlarına öz namizədlərini irəli sürməklə, bu orqanlara seçkilərdə fəal iştirak edir. Əvvəl qeyd edildiyi kimi, Azərbaycan 1995-1997, 1998-2000-ci illər ərzində YUNİSEF-in İcra Heyətinin, 2000-2002-ci illər ərzində Qadınların vəziyyəti haqqında Komissiyanın və 2002-2004-cü illər ərzində BMT-nin Davamlı İnkişaf üzrə Komissiyasının üzvü olub. Azərbaycan 2003-2005-ci illər üçün BMT-nin İqtisadi və Sosial Şurasının (ECOSOC) üzvü seçilib. Hazırda Azərbaycan Respublikası BMT Təhlükəsizlik Şurasının qeyri-daimi üzvlüyünə namizədliyini verib.

Azərbaycan Respublikasının xarici siyasətində Avropa İttifaqı ilə münasibətlər olduqca əhəmiyyətli yerə malikdir. Əməkdaşlığın hüquqi əsası 1999-cu ildə qüvvəyə minmiş Tərəfdaşlıq və Əməkdaşlıq Sazişi ilə qoyulub. Azərbaycan Respublikasını Avropa Qonşuluq Siyasətinə (AQS) daxil etmək haqqında Aİ Şurasının 14 iyun 2004-cü il tarixli qərarı ikitərəfli əməkdaşlıqda irəliyə doğru mühüm addım olub. Aİ ilə əlaqələrdə daha yüksək səviyyəli siyasi və iqtisadi inteqrasiya vəd edən AQS ona daxil olan ölkələr üçün tərəfdaşlığın gələcək inkişafı baxımından yeni bir mərhələ olub.

Avropa İttifaqı ilə Azərbaycan arasında əməkdaşlığın digər bir istiqaməti Şərq Tərəfdaşlığı (ŞT) təşəbbüsü çərçivəsində həyata keçirilir. ŞT təşəbbüsü Aİ xarici işlər nazirlərinin 26 may 2008-ci il tarixində Brüsseldə keçirilmiş görüşü zamanı Polşa və İsveç tərəfindən irəli sürülüb. ŞT Aİ və Şərq tərəfdaş ölkələri arasında münasibətlərin daha yüksək səviyyəyə qaldırılması, mövcud əməkdaşlığın ikitərəfli və çoxtərəfli formatda davam etdirilərək genişləndirilməsini nəzərdə tutur. Belə ki, Aİ və hər bir tərəfdaş ölkə arasında daha sıx əlaqələrin yaradılması məqsədilə ikitərəfli format çərçivəsində mövcud Tərəfdaşlıq və Əməkdaşlıq sazişləri əvəzinə yeni, Assosiasiya sazişlərinin imzalanması, həmçinin vizaların tədricən liberallaşdırılması, tərəfdaş ölkələrin və Aİ-nin enerji təhlükəsizliyinin gücləndirilməsi məqsədilə daha dərin əməkdaşlığın həyata keçirilməsi və s. planlaşdırılır. Hazırda Aİ və Azərbaycan Respublikası arasında yeni Assosiasiya Sazişinin imzalanması haqqında danışıqlar davam edir.

2001-ci il 25 yanvar tarixindən etibarən Azərbaycan Avropa Şurasının tamhüquqlu üzvüdür. Avropa Şurası ilə Azərbaycan Respublikası arasında münasibətlərin uğurlu həyata keçirilməsində Azərbaycan Prezidenti İlham Əliyevin müstəsna xidmətləri var. Onun beynəlxalq təşkilatlardakı məqsədyönlü, qətiyyətli və cəsarətli çıxışları Azərbaycanın dünyadakı nüfuzunun daha da artmasına güclü təsir göstərib. Məhz Prezident İlham Əliyevin qətiyyətli çıxışları sayəsində erməni təcavüzkarları Avropa Şurasında ifşa olunub, Azərbaycanın ayrılmaz hissəsi olan Dağlıq Qarabağ haqqında, qondarma "Dağlıq Qarabağ problemi" barədə Qərb dünyasında obyektiv rəy formalaşıb, həmin münaqişəyə düzgün siyasi qiymət verilib, onun həlli yolunda mühüm addımlar atılıb. Avropa Şurasında Ermənistanın təcavüzkar, işğalçı dövlət kimi tanınmasında, nəzarətdən kənarda qalan Dağlıq Qarabağın narkotiklərin ötürücü məntəqəsinə və terror yuvasına çevrilməsinin Avropa və dünya ictimaiyyətinə çatdırılmasında Azərbaycan tərəfinin böyük xidmətləri var.

Azərbaycan Respublikasının İslam Konfransı Təşkilatı ilə əməkdaşlıq münasibətlərinin inkişafı ölkəmizin xarici siyasət kursunda prioritet istiqamətlərdəndir və strateji əhəmiyyət kəsb edir. Təşkilata üzv olduqdan sonra Ermənistanın Azərbaycana təcavüzü və işğal etdiyi ərazilərdən qoşunlarını çıxarması ilə bağlı bir sıra sənədlər qəbul edilib. Təsadüfi deyil ki, 2008-ci ilin 14 mart tarixində BMT Baş Assambleyasının 62-ci Sessiyasında Azərbaycan nümayəndə heyətinin təqdim etdiyi "Azərbaycanın işğal altında olan ərazilərindəki vəziyyət" adlı qətnamənin qəbul edilməsində İKT-yə üzv olan dövlətlərin mövqeyi həlledici rol oynayıb.

2010-cu il Azərbaycanın xarici siyasətində bir sıra mühüm nailiyyətlərlə yadda qalıb. Bu sahədə prioritet vəzifə olan Dağlıq Qarabağ münaqişəsinin danışıqlar yolu ilə həlli başa çatmasa da, müəyyən irəliləyişlərə nail olunub.

Azərbaycanın 2010-cu ildə xarici siyasətdə əldə etdiyi uğurlar sırasında payızda Lissabonda keçirilən NATO sammiti də var. Şimali Atlantika Alyansının bu sammitinin qətnaməsində Azərbaycanın ərazi bütövlüyü məsələsi birmənalı surətdə dəstəklənib. Eyni zamanda, Avropa Parlamentinin qətnaməsində də Azərbaycanın ərazi bütövlüyü məsələsi və məcburi köçkünlərin öz torpaqlarına qaytarılması tələbi də öz əksini tapıb.

Ölkəmiz humanitar və digər sahələrdə də dünyaya öz töhfələrini verməkdə davam edir. Bu istiqamətdə beynəlxalq təşkilatlarla, NATO və Avropa İttifaqı ilə əməkdaşlıq daha da inkişaf edir. Avropa İttifaqı ilə alt komitənin yaradılmasına dair 2 protokol imzalanıb. Diaspor fəaliyyətinin genişləndirilməsi, xaricdə olan vətəndaşlarımızın hüquqlarının müdafiəsi, onlara konsulluq fəaliyyətlərinin göstərilməsi də Azərbaycan Xarici İşlər Nazirliyinin prioritetlərindəndir.

Biz çalışmalıyıq ki, bundan sonra da Azərbaycan haqqında həqiqətləri dünya ictimaiyyətinə daha dolğun şəkildə çatdıraq, eyni zamanda, apardığımız xarici siyasət vasitəsilə Azərbaycanın dünyadakı mövqelərini möhkəmləndirək və milli maraqlarımızın daha yüksək səviyyədə qorunmasına nail olaq. Əlbəttə, hörmətli səfirlərin və diplomatik korpusun bu istiqamətdə rolu çox mühümdür. Xüsusilə, Ermənistan-Azərbaycan, Dağlıq Qarabağ münaqişəsinin nizama salınmasında xaricdə fəaliyyət göstərən diplomatlar daha da fəal olmalıdırlar.

- Bu gün və yaxın perspektivdə Azərbaycan diplomatiyası qarşısında hansı əsas vəzifələr durur?

- Azərbaycanın xarici siyasət istiqamətləri və strateji seçimləri aşağıdakı təsiredici amillərlə müəyyənləşir:

Bildiyiniz kimi, Azərbaycan Respublikası ərazisinin təxminən 20 faizi Ermənistan Respublikası tərəfindən işğal edilib. Ölkəmizdə milyona yaxın hüquqları kobud surətdə pozulmuş qaçqın və məcburi köçkün yaşayır. Bu insanlar Ermənistanın hərbi işğalı və etnik təmizləmə siyasəti yeritməsi nəticəsində öz torpaqlarını itiriblər. Bundan başqa, işğal olunmuş ərazilərdə yerləşən tarixi və mədəni irsimiz ermənilər tərəfindən dağıdılıb. Ermənistanın Azərbaycana qarşı təcavüzünün ölkəmizin təhlükəsizlik mühitinin əsas təyinedici amili olması səbəbindən Dağlıq Qarabağ münaqişəsinin həll edilməsi, hüquqları pozulmuş qaçqın və məcburi köçkünlərin öz torpaqlarına qaytarılması Azərbaycanın xarici siyasətinin formalaşdırılmasında əsas rol oynayır və ən birinci prioritetdir.

Azərbaycanın xarici siyasətinin həyata keçirilməsinə təsir göstərən mühüm amil onun yerləşdiyi coğrafi mövqe ilə əlaqədardır. Belə ki, yeni yaranmaqda olan nəqliyyat və enerji dəhlizləri üzərində və böyük ticarət yollarının kəsişməsində yerləşməsi Azərbaycana enerji və infrastruktur mərkəzinə çevrilmək üçün əhəmiyyətli imkanlar yaradır. Digər tərəfdən, neft və qaz kimi strateji təbii ehtiyatlara malik olması Azərbaycana xarici siyasətdə geniş manevrlər etmək imkanı yaradır. Xəzər dənizinin zəngin karbohidrogen ehtiyatlarının işlənilməsi və dünya bazarlarına nəqli sonradan Azərbaycanın enerji strategiyası adlandırılan siyasətin əsas elementinə çevrilib. Əsası ümummilli lider Heydər Əliyev tərəfindən qoyulmuş və Prezident İlham Əliyevin uğurla həyata keçirdiyi bu strategiya Azərbaycanın xarici siyasətinin təməl daşıdır.

Müasir beynəlxalq münasibətlər sistemində terrorizm, insan alveri, qeyri-qanuni miqrasiya, transmilli mütəşəkkil cinayətkarlığa qarşı mübarizə sahəsində digər dövlətlərlə və beynəlxalq təşkilatlarla əməkdaşlıq Azərbaycan xarici siyasətinin əsas prioritet istiqamətlərindən biridir və bu istiqamətdə əməkdaşlıq, bu kimi cinayətlərə qarşı mübarizə daim davam etdiriləcək.

Xarici siyasətimizin prioritet istiqamətlərindən biri də qonşu dövlətlərlə sıx əməkdaşlıq və mehriban qonşuluq münasibətləri qurmaqdır. Bu istiqamətdə qonşu ölkələrlə iqtisadi, siyasi, mədəni, elmi və s. sahələrdə əməkdaşlıq edilir və bu sahədə çoxsaylı saziş və müqavilələr imzalanıb.

- Ermənistan-Azərbaycan, Dağlıq Qarabağ münaqişəsinin sülh yolu ilə həlli Azərbaycan diplomatiyasının qarşısında duran əsas vəzifələrdən biri olaraq qalır. Siz yaxın gələcəkdə bu münaqişənin həlli prinsiplərini necə qiymətləndirirsiniz?

- Dağlıq Qarabağ münaqişəsinin həll edilməsi hazırda Azərbaycan Respublikası dövlət siyasətinin ən önəmli prioritetidir. Ölkə rəhbərliyinin uğurlu fəaliyyəti nəticəsində problemin həllində Azərbaycanın xeyrinə dəyişikliklər baş verməkdədir. Prezident İlham Əliyevin də bütün çıxışlarında vurğuladığı kimi, məsələ beynəlxalq hüquq normaları çərçivəsində öz həllini tapmalıdır. Bildiyimiz kimi, Ermənistan tərəfi iddia edir ki, Dağlıq Qarabağda yaşayan erməni milli azlığı beynəlxalq hüququn əsas prinsiplərindən biri olan öz müqəddəratını təyin etmək hüququna malikdir. Lakin bu hüququn subyektləri milli azlıqlar yox, xalqlardır. Yəni burada söhbət xalqların öz müqəddəratını təyin etməsi hüququndan gedir. Erməni xalqı isə Ermənistan dövlətini yaradaraq artıq öz müqəddəratını təyin edib. Azərbaycan torpaqlarının Ermənistan tərəfindən işğal edilməsi isə həmin ərazidə yaşayan azərbaycanlıların öz müqəddəratını təyinetmə hüququnun pozulmasıdır. Digər tərəfdən, öz müqəddəratını təyinetmə hüququ dövlətlərin ərazi bütövlüyü prinsipinə zidd olaraq həyata keçirilə bilməz. Xüsusi olaraq vurğulamaq lazımdır ki, öz müqəddəratını təyinetmə hüququnun həyata keçirilməsi dövlətlərin suverenliyi və ərazi bütövlüyü ilə uzlaşmalıdır və sesessiyanı (dövlətdən müəyyən ərazinin ayrılmasını) sanksiyalaşdıra bilməz. Başqa sözlə, bu hüququn həyata keçirilməsi müstəqil, demokratik dövlətlərin parçalanması üçün əsas ola bilməz.

Münaqişənin həllinə dair Azərbaycanın mövqeyi ondan ibarətdir ki, bütün işğal olunmuş ərazilər azad edilməli, məcburi köçkünlər öz evlərinə qayıtmalı və Azərbaycanın Dağlıq Qarabağ bölgəsi, eləcə də bütün Cənubi Qafqaz regionunda sabitlik və davamlı sülhün bərqərar olmasına nail olunmalıdır. Nizamlama prosesinin əsas məqsədi Dağlıq Qarabağın Azərbaycan daxilində statusunu işləyib-hazırlamaq, onun modelini və hüquqi çərçivəsini müəyyən etməkdir. Azərbaycan tərəfi inanır ki, hər hansı statusun müəyyən edilməsi prosesi bölgənin bütün əhalisinin, o cümlədən erməni və azərbaycanlı icmalarının birbaşa, tam və bərabər iştirakı ilə normal sülh və onların Azərbaycan hökuməti ilə hüquqi və demokratik proseslər çərçivəsində konstruktiv qarşılıqlı əlaqəsi şəraitində baş tutmalıdır.

Bundan başqa, Azərbaycanın işğal olunmuş əraziləri ilə bağlı BMT, ATƏT, Avropa Şurası, İslam Konfransı Təşkilatı kimi beynəlxalq və regional təşkilatlar çərçivəsində qəbul edilmiş sənədlərdə bölgədəki bütün dövlətlərin bir-birinin suverenliyinə, ərazi bütövlüyünə hörmət etməli olduğu və eləcə də beynəlxalq sərhədlərin toxunulmazlığı və ərazi əldə etmək üçün güс tətbiq edilməsinin yolverilməzliyi öz əksini tapıb. İndiyədək Ermənistan tərəfi bu qətnamələrə və beynəlxalq hüququn bu sahədə olan digər normalarına əməl etməyib.

Lakin Azərbaycan tərəfi münaqişənin sülh yolu ilə həlli üçün bütün mümkün vasitələri səfərbər edəcək. Azərbaycan ərazilərinin işğal altında qalması yolverilməzdir. Azərbaycanın iqtisadi və siyasi cəhətdən güclənməsi və bölgənin ən önəmli dövlətlərindən birinə çevrilməsi problemin tezliklə həll edilməsinə dair ümidlərimizi artırır. Əminliklə bildirmək olar ki, Azərbaycanın ərazi bütövlüyü istənilən yolla bərpa ediləcək və biz buna ölkədəki bütün sahələrdə aparılan uğurlu islahatlar, ölkəmizin inkişafı, bölgədəki mövqelərinin möhkəmləndirilməsi nəticəsində nail olacağıq.

ABŞ-da fövqəladə vəziyyət rejiminin vaxtı uzadılır
ABŞ-da fövqəladə vəziyyət rejiminin vaxtı uzadılır
ÜST: Dünyada ötən sutka koronavirusa 326 mindən çox yoluxma qeydə alınıb
ÜST: Dünyada ötən sutka koronavirusa 326 mindən çox yoluxma qeydə alınıb
Türkiyədə son sutkada koronavirusdan 5 297 nəfər sağalıb
Türkiyədə son sutkada koronavirusdan 5 297 nəfər sağalıb
Loading Bars
Xəbər lenti
ABŞ-da fövqəladə vəziyyət rejiminin vaxtı uzadılır
Çempionlar Liqası: "Mançester Siti" "Borussiya"nı, "Real" "Atalanta"nı məğlub etdi
ÜST: Dünyada ötən sutka koronavirusa 326 mindən çox yoluxma qeydə alınıb
Venesuela XİN İspaniya, Hollandiya, Fransa və Almaniyaya nota verib
Türkiyədə son sutkada koronavirusdan 5 297 nəfər sağalıb
Qarabağın ekoloji faktorları imkan verəcək ki, uzunömürlülərin sayı çoxalsın - Direktor
La Sapienza Roma Universitetinin məzunu Mingəçevir Dövlət Universitetində fəaliyyətə başlayıb (FOTO)
London şəhərində Xocalı həqiqətlərini əks etdirən məlumatlandırma aksiyası təşkil edilib (FOTO)
Bakıda qarın təmizlənməsi davam edir - BŞİH (FOTO/VİDEO)
Nazirlikdən hava ilə bağlı XƏBƏRDARLIQ
ABŞ-ın Finiks şəhərində erməni terrorunu əks etdirən sərgi təşkil olunub (FOTO)
Xocalı soyqırımı insanlığa, bəşəriyyətə qarşı yönəlmiş cinayət əməlidir - Pərvin Kərimzadə
Müəllimlərin işə qəbulu müsabiqəsi üzrə onlayn müsahibələrin nəticələri açıqlanıb
Bu rayonlara qar yağır, külək isə mülayimləşib - FAKTİKİ HAVA
UEFA bu çempionatların 2020/2021-ci il mövsümünü ləğv edib
Bişkek ictimaiyyəti dünya birliyini Xocalı soyqırımına obyektiv qiymət verməyə çağırıb (FOTO)
İtaliyanın daha bir şəhəri Xocalı soyqırımını pisləyən sənəd qəbul edib
Ceyhun Bayramovla Aİ komissarı arasında telefon danışığı olub
Sabah məktəblərdə dərs olacaq? - Nazirlikdən AÇIQLAMA
Ceyhun Bayramov Ukrayna xarici işlər nazirinin müavini ilə görüşüb (FOTO)
Pandemiya ən çox avtomobil nəqliyyatı üzrə yükdaşımalara ziyan vurub - Tədqiqat
Ermənistanda Azərbaycana qarşı 3 dəfə "İsgəndər" raketindən istifadənin etirafı, əslində hərbi cinayətlərin etirafıdır - Deputat
Əfv komissiyasının iclası başa çatıb, 150-dən artıq müraciətə baxılıb
FHN yollarda xilasetmə əməliyyatları həyata keçirir (VİDEO)
Polis yollarda köməksiz qalan vətəndaşlara kömək edib (FOTO/VİDEO)
Hazırda Bakıda 6 dərəcə şaxta var - FAKTİKİ HAVA
Belarusun bir sıra şəhərlərində Xocalı soyqırımının ildönümü münasibətilə anım tədbirləri keçirilib (FOTO)
Bazel şəhərində Xocalı soyqırımına həsr edilmiş ədəbi-bədii gecə təşkil edilib
Bakıda və Ağdaşda ev yanıb
Ermənilər törətdikləri vandalizm aktlarına görə beynəlxalq məhkəmələrdə hökmən layiqli cəzalarını almalıdırlar - Vüqar Rəhimzadə
Mingəçevir Dövlət Universitetində Xocalı soyqırımının 29-cu ildönümünə həsr olunmuş konfrans keçirilib (FOTO)
Qarlı havada yıxılaraq xəsarət alanların sayı 39-a çatdı (ƏLAVƏ OLUNUB)
Hikmət Hacıyev Ukrayna XİN başçısının müavini ilə görüşüb (FOTO)
Beynəlxalq sərgidə Azərbaycan məhsullarına böyük maraq var (FOTO)
Qusar polisi yollarda qalmış vətəndaşlara köməklik göstərir
Diaspor təşkilatı Norveç hökumətini Xocalı soyqırımını tanımağa çağırıb
Bakıda isinməyə ehtiyacı olan şəxslər bu sığınacaqlara üz tutur (FOTO)
Azərbaycanın avtomobil yollarındakı son vəziyyət açıqlandı
“Azəriqaz” abonentlərə müraciət edib
Ermənistan cəmiyyətində qatı anti-Rusiya ovqatı formalaşıb - Politoloq
KOB-ların dövlət satınalmalarında daha geniş iştirakı təşviq olunacaq - Mikayıl Cabbarov
Stokholm şəhərində "Xocalıya ədalət!" plakatları yerləşdirilib (FOTO)
Vətəndaşın hüquqlarını pozan daha bir şəxsin qanunsuz əməlləri ifşa edildi
Mingəçevirdə karantin qaydalarını pozan idman zalı aşkar edilib (FOTO)
Dayanıqlı İnkişaf üzrə Milli Əlaqələndirmə Şurasının növbəti iclası keçirilib
Azərbaycan və Polşa xalqlarının faciəli tarixi müzakirə edilib
Ombudsman ÜST-ün Azərbaycan Nümayəndəliyinin rəhbəri Hande Harmancını qəbul edib (FOTO)
Fevralın 25-nə USD/AZN rəsmi məzənnəsi
Sahibkar birlikləri və assosiasiyaları ilə sıx əməkdaşlıq qurulacaq - Dövlət Vergi Xidməti
Ermənistan rəhbərliyi başlarına dəymiş “dəmir yumruq”dan düzgün nəticə çıxarmalıdır - Naqif Həmzəyev
Ermənistan Azərbaycanın yaratdığı yeni reallığı artıq qəbul edir - Deputat
Türkdilli Dövlətlərin Əməkdaşlıq Şurasının energetika nazirlərinin ilk iclası keçirilib
Paytaxtda quraşdırılan sığınacaqlar haradadır? - ÜNVAN
Türkiyə, Azərbaycan və Türkmənistan XİN başçıları üçtərəfli görüşə dair birgə bəyanat qəbul edib (FOTO)
Türkiyə alpinistləri Xocalı qurbanlarını Haçadağda yad ediblər
Hərəkətin təhlükəsizliyi və fasiləsizliyinin təmin olunması üçün addımlar atılır - AAYDA
DİN Qaradağda baş verən qəza ilə bağlı məlumat yaydı: 1 nəfər ölüb, 1-i yaralanıb
Deputat peyvənd olundu: Özümü yaxşı hiss edirəm!
Bakıda yanan binada zərər çəkmiş ailələr kirayə mənzillə təmin olunacaq - Dövlət komitəsi
Son iki gündə Sığınacaq və Sosial Reabilitasiya Müəssisəsinə 6 nəfər yerləşdirilib
Bakıda havanın temperaturu mənfi 6 dərəcəyə enib
Ermənilərin aqrar sahəmizə vurduğu ziyan on milyard manatlarla ölçülür - Komitə sədri
Əfv Komissiyasının iclası keçirilir
UNEC-də Xocalı Soyqırımına həsr olunan beynəlxalq seminar keçiriləcək
İranda son sutkada 73 nəfər koronavirusdan ölüb
Uşaqların tərbiyəsində möhkəm bünövrənin qurulması
Suyun orqanizm üçün faydaları
Azərbaycan alimləri nitqin tanınması sistemlərini hazırlayıblar
Azərbaycanda son sutkada 145 nəfər COVID-19-dan sağalıb, 220 nəfər yoluxub, 2 nəfər vəfat edib
Sosial şəbəkələrdə haqqında foto paylaşılan evsiz sığınacağa yerləşdirilib
Sumqayıtda ictimai nəqliyyat işləyir - İcra hakimiyyəti (FOTO)
Son iki gündə Sığınacaq və Sosial Reabilitasiya Müəssisəsinə 6 nəfər yerləşdirilib
AMEA-nın yaşı 65-dən çox olan əməkdaşları peyvənd olunub
“Karvan-L” maşın və avadanlıq istehsalatında yenilik etməyə davam edir (FOTO)
Azər Türk Bankın ən sərfəli kartı - ATB CARD
Belçikada Xocalı soyqırımının qurbanları yad edilib (FOTO)
Bakı-Şamaxı yolunda avtomobillər yolda qalıb (VİDEO)
Parlamentdə Xocalı soyqırımı ilə bağlı məsələ ön plana çəkilib
Ermənistanda hərbi hissədə qiyam - Əsgərlər xidmətdən qaçır
Aİ-nin xüsusi nümayəndəsi Azərbaycana gələcək
Dayanıqlı İnkişaf Məqsədlərinə nail olunması istiqamətində görülmüş işlər müzakirə edilib
Deputatların bir qrupu peyvənd olunub
Türkiyəli həkimlər qazilərimizin müayinəsini davam etdirir (FOTO)
Maştağada qəza olub, qaz təchizatı alternativ xətlə təmin olunub (VİDEO)
Sabah hava necə olacaq? - Proqnoz
Kiyevdə Ukrayna dilinə tərcümə olunmuş “Xocalı: Soyqırımının xronikası” kitabının təqdimatı olub (FOTO)
Buzlaşma və yüklənmə səbəbindən bəzi yerlərdə elektrik verilişi kəsilib - “Azərişıq”
Bakıda yataqxanadakı yanğın söndürülüb (FOTO)
Qazla bağlı ən çox müraciətlər Xəzər, Sabunçu, Binəqədi rayonlarından olub
Paşinyan Rusiyanı İTTİHAM edir: "İskəndər" partlamadı
Vətən müharibəsi zamanı Su-25 və döyüş helikopterləri düşməni belə məhv edib (FOTO/VİDEO)
Gecə küçədə yatan şəxs evsiz yox, sərxoş olub - Agentlik
Abşeron İcra Hakimiyyətindən həbslərlə bağlı xəbərlərə münasibət
Qarlı hava şəraiti sığınacaqda yerləşənlərin sayının artmasına səbəb olmayıb - Agentlik
Vətən Müharibəsi iştirakçısı barəsində həbs qərarı ev dustaqlığı ilə əvəz edilib
Modul Tipli Hospitalda qanunsuz işdən çıxarılma və maaşların gecikməsi iddialarına aydınlıq gətirildi
“Xocalıya ədalət” kampaniyası çərçivəsində petisiya yayılıb
Xocavənd rayonunun Ağdam kəndi (FOTO/VİDEO)
İsmayıllı-Qəbələ-Şəki yolunun bir hissəsində çətinliklər yaranıb (VİDEO)
Bakıda qarın hündürlüyü 20 sm-dir - FAKTİKİ HAVA
Bütün xəbərlər