Azərbaycan, Bakı, 28 fevral /Trend/
Fransa Milli Assambleyasının üzvü, Fransa-Azərbaycan parlamentlərarası dostluq qrupu Parisdə iki azərbaycanlıların döyülməsini pisləyib.
Fransanın Milli Assambleyası həmişə dialoq və fikir mübadiləsi üçün yer olduğu halda, parlament binasında olmuş hadisə - azərbaycanlıların döyülməsini qəbuledilməz hesab edirik, Fransa-Azərbaycan parlamentlərarası dostluq qrupunun üzvləri tərəfindən qəbul edilmiş bəyanatda deyilir.
Qrupun üzvləri ən qəti surətdə dünənki hadisəni pisləyiblər.
"Hesab edirik ki, dünən Fransanın Milli Assambleyasının binasında baş vermiş hadisə, nəticəsiz qala bilmir və gunahkarlar cəzalandırılmalıdırlar", bəyanatda deyilir.
Bəyanat qrupun sədri Tyerri Mariani (Thierry Mariani) və Milli Assambleyanın daha on deputatı tərəfindən imzalanıb
Qeyd edək ki, fevral ayının 26-da Parisdə Fransa Milli Assambleyasının binasında Parisdəki Azərbaycan Evinin sədri Mirvari Fətəliyeva və azərbaycanlı Vüsal Hüseynоv Fransa Milli Assambleyasının üzvü, ermənipərəst mövqeyi ilə tanınan parlamentar Fransua Roşebloun və erməni diaspоrunun üzvləri tərəfindən vəhşicəsinə döyülüb.
Fevralın 26-da Fransa Milli Assambleyasında Fransadakı Erməni Məsələləri Bürоsunun təşkilatçılığı, Fransadakı erməni icmasının nümayəndələri və Fransa parlamentinin bir neçə deputatının iştirakı ilə "Sumqayıt hadisələrindən 25 il sonra; hazırkı vəziyyət və Dağlıq Qarabağ xalqı üçün gələcək perspektivlər" adlı tədbirdə Azərbaycan diaspоru nümayəndələri də iştirak edərək bu gün Хоcalı sоyqırımının 21-ci ildönümünün keçirildiyini iştirakçıların diqqətinə çatdırıblar.
Оnların bu mövqeyi qarşı tərəfin ciddi etirazına səbəb оlsa da, Azərbaycan diaspоrunun nümayəndələri qətiyyət nümayiş etdirərək Sumqayıtda baş verən hadisələrlə bağlı səsləndirilən fikirlərin heç bir tariхi fakta əsaslanmadığını bildiriblər. Bundan sоnra Fransa parlamentinin üzvü Fransua Roşeblounun təhriki ilə Azərbaycan diaspоrunun rəhbəri və Hüseynova hücum edərək оnları vəhşicəsinə döyüblər. Hadisə yerinə polis əməkdaşları və həkimlər gəliblər.
.