Bakı. Trend:
Madridin “Atletiko” futbol klubu fransalı hücumçu Antuan Qrizmanla müqaviləni yeniləyib.
Trend-in məlumatına görə, bu barədə klubun mətbuat xidməti bildirib.
Məlumata əsasən, yeni anlaşma 2027-ci ilin iyun ayının sonunadək qüvvədə olacaq.
Qrizmannın “Atletiko”dakı karyerası 2014/2015 mövsümündə başlayıb. Bir müddət “Barselona”da çıxış edən futbolçu sonradan yenidən Madrid təmsilçisinə qayıdıb.
Geridə qalan mövsümdə 53 oyuna çıxan Antuan 16 qola və 9 məhsuldar ötürməyə imza atıb. O, 197 qolla klub tarixinin ən çox qol vuran futbolçusudur.