Azərbaycan, Bakı, 7 noyabr /Trend, müxbir A.Axundov /
"SOCAR Trading SA" şirkəti ilin sonuna kimi ARDNŞ-nin (Azərbaycan Respublikası Dövlət Neft Şirkəti) 100 faizlik mülkiyyətinə keçəcək. Bu barədə çərşənbə günü Trend-ə şirkətin maliyyə məsələləri üzrə vitse-prezidenti Süleyman Qasımov bildirib.
"ARDNŞ səhmdarların paylarını mərhələli şəkildə alıb: bir hissə iyulda, yerdə qalan hissə isə oktyabrda. Artıq yekun işlər görülür. Müəssisə yaxın gələcəkdə ARDNŞ-nin tam mülkiyyətinə keçəcək", - Qasımov bildirib.
"SOCAR Trading SA" şirkətinin təsisçisi ARDNŞ-nin əvəllər 50 faiz iştirak payına malik olduğu "Supra Holding Limited" şirkətidir. Sonralar həmin göstərici 80 faizədək artırılıb.
