Azərbaycan, Bakı, 3 may /Trend, müxbir A.Axundov/
ARDNŞ (Azərbaycan Respublikası Dövlət Neft Şirkəti) Türkiyədəki layihələrinin maliyyələşdirilməsi üçün bu ölkənin banklarının xidmətinə müraciət edə bilər. Trend-in məlumatına görə, bu barədə jurnalistlərə açıqlamasında ARDNŞ-nin iqtisadi məsələlər üzrə vitse-prezidenti Süleyman Qasımov bildirib.
"Türkiyə bankları bizim layihələrin risk dərəcələrini qiymətləndirib və 4 faiz dərəcəsi üzrə maliyyələşdirmə təklif edib. Əgər onların təklifləri ilə gözləntilərimiz arasında nisbət bizim üçün gəlirlər üzrə sərfəli olsa, onda biz onların xidmətlərinə müraciət edə bilərik", - Qasımov deyib.
Onun sözlərinə görə, lakin daha ucuz kredit təşkil edən "EximBank"dan və bir sıra kommersiya banklarından maliyyələşdirmənin birləşməsi nəticəsində ümumi dərəcə 4 faizdən də aşağı ola bilər.
