Azərbaycan, Bakı, 19 iyun /Trend, müxbir A.Axundov/
"Ernst & Young" şirkəti iyunun sonunadək Azərbaycan Respublikası Dövlət Neft Şirkətinə (ARDNŞ) 2012-ci ilin yekunları üzrə ARDNŞ-nin fəaliyyətinə dair auditor hesabatını təqdim edəcək.
Bu barədə çərşənbə günü Trend-ə ARDNŞ-nin maliyyə məsələləri üzrə vitse-prezidenti Süleyman Qasımov deyib.
Onun sözlərinə görə, auditor Şirkətin işlədiyi yataqların təkrar qiymətləndirilməsinin keçirilməsini 2013-cü ildə tələb etməyib.
Qasımov bildirib: "Biz "Ümid" qaz yatağının ehtiyatlarını qiymətləndirməyə başlamaq üçün "Miller Land" şirkəti ilə danışıqlar aparırıq. Şirkət bu prosesi "SOCAR Ümid" birgə müəssisəsi vasitəsilə başlamağı planlaşdırır. Birgə müəssisə "Ümid" yatağının işlənməsi məqsədilə yaradılmış şirkətdir. ARDNŞ-nin "SOCAR Ümid"də 80 faiz iştirak payı var, 20 faiz isə "Nobel Oil"ə məxsusdur".