Bakı. Trend:
Papua - Yeni Qvineyada 5,4 bal gücündə zəlzələ baş verib.
Trend-in Avropa-Aralıq dənizi Seysmoloji Mərkəzinə istinadən verdiyi məlumata görə, yeraltı təkanların episentri 76 mindən çox insanın yaşadığı Lae şəhərindən təxminən 72 kilometr şimal-qərbdə, ocağı isə 87 kilometr dərinlikdə yerləşib.
Zəlzələ nəticəsində dağıntılar, xəsarət alanlar və sunami təhlükəsi barədə məlumat verilməyib.