Bakı. Trend:
Papua-Yeni Qvineya sahillərində 5,9 bal gücündə zəlzələ qeydə alınıb.
Trend-in məlumatına görə, bu barədə Avropa-Aralıq dənizi Seysmoloji Mərkəzi bildirib.
Məlumata əsasən, zəlzələnin episentri təxminən Rabaul şəhərindən 113 km şimal-qərbdə olub. Yeraltı təkanların ocağı 10 km dərinlikdə yerləşib.
Zərər çəkən və dağıntılar barədə məlumat verilməyib. Sunami təhlükəsi elan olunmayıb.