Bakı. Trend:
Türkiyə Silahlı Qüvvələri tərəfindən İraqın şimalında keçirilən hava əməliyyatları nəticəsində Hakurk bölgəsində 6, Qara bölgəsində isə 3 PKK terrorçusu zərərsizləşdirilib.
Trend xəbər verir ki, bu barədə Türkiyə Milli Müdafiə Nazirliyi məlumat yayıb.
Məlumata görə, İraqın şimalına 29 noyabr - 1 dekabr 2024-cü il tarixlərində təşkil edilən hava əməliyyatları nəticəsində Hakurk bölgəsində 6 və Qara bölgəsində 3 PKK-lı terrorçu olmaqla, ümumilikdə 9 PKK-lı terrorçu zərərsizləşdirilib.
Qeyd edək ki, Türkiyə Silahlı Qüvvələri terror təşkilatlarına qarşı sərhəd bölgələrində əməliyyatlarını davam etdirir.