Bakı. Trend:
İraq və Suriyanın şimalında son bir həftə ərzində 53, ilin əvvəlindən bəri isə 2 min 664 terrorçu zərərsizləşdirilib.
Trend xəbər verir ki, bu barədə Türkiyə Milli Müdafiə Nazirliyinin açıqlamasında bildirilir.
"Terrorla mübarizəsini fasiləsiz davam etdirən Türkiyə Silahlı Qüvvələri son bir həftədə 53, 1 yanvar tarixindən etibarən isə İraqın şimalında 1 392, Suriyanın şimalında isə 1 272 olmaqla, ümumilikdə 2 min 664 terrorçunu zərərsizləşdirib.
Eyni zamanda, İraqın şimalındakı "Pençe-Kilit" əməliyyatı bölgəsində davam edən axtarış tədbirləri çərçivəsində terrorçulara məxsus çox sayda silah, sursat və avadanlıq ələ keçirilib", - açıqlamada bildirilir.