Bakı. Trend:
Tabasko ştatının Villahermosa şəhərindəki həbsxanada baş verən iğtişaşda 7 nəfər ölüb.
Trend xəbər verir ki, bu barədə X sosial şəbəkəsində baş prokurorluqdan məlumat verilib.
"Tabasko Ştat Baş Prokurorluğu yeddi ölümün qeydə alındığı Tabasko Dövlət Sosial Reinteqrasiya Mərkəzində baş verən hadisələrlə bağlı araşdırmaya başlayıb", — deyə açıqlama verilib.
Proceso qəzetinin məlumatına görə, iğtişaş, iğtişaşların təhrikçisi sayılan məhbusun qaçmağa cəhdi nəticəsində baş verib.