Bakı. Trend:
ABŞ prezidenti Donald Tramp bildirib ki, o, ölkənin 1 trilyon dollar məbləğində müdafiə büdcəsini azaltmaq niyyətində deyil.
Trend-in məlumatına görə, bu barədə ABŞ prezidenti Vest-Poynt şəhərində ABŞ Hərbi Akademiyasının məzunların qarşısında çıxış edərkən bildirib.
"Biz indilərdə 1 trilyon dollarlıq hərbi büdcə hazırladıq. Bəziləri soruşdu ki, mən onu azalda bilərəmmi? Mən onu 10 sent də azaltmayacam", - deyə o qeyd edib.
Ağ Ev rəhbəri qeyd edib ki, son vaxtlar dünyada hərbi əməliyyatların aparılması üsulu çox dəyişib. "Dronlar gəldi. Bu, sizdən müharibə aparmağın yeni üsulunu öyrənməyi tələb edir", - deyə Tramp məzunlara müraciət edib.