Tallin. Ləman Zeynalova - Trend:
Avropa İttifaqı (Aİ) ilə Azərbaycan arasında strateji tərəfdaşlıq barədə saziş üzrə danışıqlar yaxın iki ay ərzində başa çatmalıdır.
Bunu Trend-in sualına cavab olaraq Aİ-nin qonşuluq siyasəti və genişlənmə məsələləri üzrə komissarı Yohannes Han deyib.
Onun sözlərinə görə, danışıqlar hazırda davam edir: “Bu sazişin hansı sahələri əhatə edəcəyini müəyyən etmək üçün bir qədər vaxt lazım oldu. Əminəm ki, saziş yaxın aylarda əldə olunacaq”.