Azərbaycan, Bakı, / Trend müxbir S.Əliyev/ Xəzər İnteqrasiya İşgüzar Klubunun (CIBC) iclasında iştirak edən Azərbaycanın nəqliyyat nazirinin müavini Musa Pənahovun verdiyi məlumata görə, Azərbaycan və Rusiya sərhəd körpüsünün bərpasına dair müqavilə imzalamaq niyyətindədirlər.
Tərəflər dekabrın 13-də Moskvada keçirilən Azərbaycan-Rusiya iqtisadi əməkdaşlıq komissiyasının iclası zamanı mövcud körpünün bərpasına dair razılığa gəliblər. Fevralın 1-nə qədər layihə üzrə texniki və maliyyə sənədləşməsini hazırlayacaq işçi qrup yaradılmalıdır.
Sərhəd körpüsünün bərpası tərəflər arasında yükdaşımanın artmasına təsir göstərəcək.