Gürcüstan, Tbilisi, 01 iyun / Trend , N.Kirsxaliya /
İyulun 2-dən etibarən Gürcüstan aviabazarında Çinin daha bir aviaşirkəti JADE-CARGO-INTERNATIONAL fəaliyyət göstərəcək. Şirkət Frankfurt-Tbilisi-İnçeon marşrutu ilə tranzit yük reysləri həyata keçirəcək.
Şirkət nümayəndəliyindən bildirildiyi kimi, uçuşlar həftədə bir dəfə Boinq-747 təyyarəsi ilə həyata keçiriləcək.
Çin aviaşirkəti Asiyaya əsasən tranzit yük reysləri həyata keçirəcək.
JADE-CARGO-INTERNATIONAL aviaşirkəti bir həftə öncə reyslərin müəyyən edilməsi üçün Vahid Nəqliyyat Administrasiyasına müraciət edib.
Şirkətin kapitalının əsas hissəsi - 51 faizi Çinin, qalanı isə Almaniyanın payına düşür. Onun 25 faizi "Lufthanza-Kargo"-ya məxsusdur.
Məqalə müəllifi ilə əlaqə ünvanı: [email protected]