Azərbaycan, Bakı, 18 iyul / Trend , müxbir H.Vəliyev /
Mobil rabitə operatorları tərəfindən üçüncü nəsil şəbəkəsinin (3G) tətbiqi Azərbaycanın internet bazarında rəqabəti daha da gücləndirəcək. Bu barədə Trend -a Azərbaycanın İnternet Cəmiyyətinin sədri Qalib Qurbanov bildirib.
Onun sözlərinə görə, 3G mobil rabitə şəbəkələrində məlumatların yüksək sürətlə ötürülməsini təmin edəcək. Qloballaşma tendensiyasını nəzərə alaraq bütün telekommunikasiya sənayesinin əsas məqsədi məlumatların ötürülməsinin genişzolaqlı sistemini dəstəkləyə bilən və mobilliyi təmin edən vahid ümumdünya mobil rabitə mühitinin yaradılmasıdır.
3G-nin əsas xüsusiyyəti və üstünlüyü məlumatların yüksək sürətlə ötürülməsindədir. Üçüncü nəsil şəbəkəsi 2 Mbit/s-ə kimi məlumatların ötürülməsi sürətini təmin edərək ISP şirkətlərinə rəqib olmağa iddialıdır. 3G bazasında daha perspektiv xidmətlər videotelefon, axın video,həmçinin biznes xidmətlər, poçt və bank servisləridir. 3G xidmətlərinin vacib elementi elektron ticarət olacaq.
Məqalə müəllifi ilə əlaqə ünvanı: [email protected]