Bakı. Trend:
Çinin şimalında yerləşən Hebey əyalətində qocalar evində baş vermiş yanğın nəticəsində azı 20 nəfər həyatını itirib.
Trend-in məlumatına görə, bu barədə “Xinhua” agentliyi yerli hakimiyyət orqanlarına istinadən xəbər verib.
Hadisə aprelin 8-i axşam saatlarında Çende şəhərinin Lonğua dairəsində yerləşən qocalar evində qeydə alınıb. Son rəsmi məlumata əsasən, çərşənbə günü yerli vaxtla saat 03:00-a olan vəziyyətə görə, hadisə nəticəsində 20 nəfərin öldüyü təsdiqlənib.
Hazırda yanğının səbəbləri araşdırılır. Hadisə ilə bağlı aidiyyəti qurumlar istintaqa başlayıb.